صلصة طماطم بيتي

May be an image of food

♥ صلصة طماطم بيتي ♥
احلى طماطم هى ارخص طماطم سبحان الله
الطماطم البلدي لما تظهر في السوق بتبقى رخيصة جدا الكيلو ب3 جنيه وفي بعض الاماكن ب2 جنيه
فرصة هايلة نعمل معجون طماطم خزين تكفينا طول السنة.. بدلا من الصلصة الجاهزة
صحية اكثر واوفر بكتييييير
من واقع خبرتي حاقولكم على طريقة تحويل الطماطم الى صلصة لذيذة جداً وصحية
 
حنحتاج 4 حلل
حنشتري وقت الرخص شروة طماطم.. 20 كيلو او 10 او 5 حسب حجم اسرتك
نغسلها كويس جدا
ونقطع الطماطم انصاف
ونضرب جزء جزء في الخلاط او محضرة الطعام ضرب مبرح لغاية ما تبقى عصير سائل بيتحرك كالامواج في الخلاط
نصب العصير في حلة ستانلس على نار عالية بدون غطاء مع تقليب القعر بمعلقة خشب
بعد نصف ساعة حنلاحظ ان لحم الطماطم انفصل عن السوائل
نصبهم في حلة اخرى فوقها مصفاه خرومها دقيقة بحيث تنزل السوائل من خلال الصفاية في الحلة ويتبقى لحم الطماطم في الصفاية
نصب اللحم في حلة ثالثة ونتركه يبرد
 
 
اما السوائل فنضعها على النار بدون غطاء الى ان يقل حجمها للربع وتصبح غليظة
ونتركها تبرد ثم نخلط معها لحم الطماطم اللي صفيناه ونقلبهم معاً
 
ثم نضرب الخليط مرة اخرى في الخلاط للحصول على صلصة ناعمة نحفظها بالفريزر في برطمانات زجاج او اكياس نفردها في اطباق فويل لسهولة قطع جزء منها وقت اللزوم
 
 
الطريقة دي اولا بتخلينا نتجنب غلى لحم الطماطم لساعات طويلة وكمان نتجنب ان الصلصة تشيط في قعر الحلة وتسود لما السوائل تقل وتصبح سميكة
 
الطماطم البلدي طعمها مسكر عشان كدة الصلصة بيبقى طعمها حكاية.. بجد روعة مش حتصدقوا طعامتها
جربوا طريقتي مرة بعدها مش حتشتروا صلصة جاهزة تاني
 
دمتم في رعاية الله وحفظه
حاج محمد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.