الطبيب الشاطر والطبيب الأشطر

الدكاترة الشاطرين في اغلب التخصصات.. قلب.. مخ واعصاب.. كلى ومسالك بولية.. عيون.. اسنان.. امراض جلدية.. كبد لما يجيلهم مريض بيشتكي من حاجة بيسألوه: انت عندك سكر؟

الرد التقائي لغالبية المرضى بيكون: لأ معنديش

لكن المريض في الحقيقة يقصد: لأ محدش شخصني مريض سكر

او يقصد: لأ مقيستش السكر

او يقصد: لأ لما ابص في المراية بلاقي وشي مش مكتوب عليه مريض سكر (دة على اساس اننا مختوم على وشنا ختم “مريض سكر” ؟)

فالطبيب الشاطر بيطلب من المريض يقيس سكره ويبلغه النتيجة وهنا بيكتشف اغلب مرضى التخصصات دي ان عندهم سكر وميعرفوش دة الطبيب الشاطر

أما بقى الطبيب الاشطر – ودة نادر الحقيقة – فهو اللي بيطلب من مريضه مش قياس السكر لأ بيطلب منه يقيس السكر الصايم مع الانسولين الصايم دة فعلا دكتور استاذ لانه عارف ان مضاعفات السكر ممكن تظهر قبل ظهور مرض السكر بسنين طويلة لو عايزين تفهموا اكثر اقرأوا البوست دة:

دمتم في رعاية الله وحفظه
حاج محمد

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.