حساسية القمح مشكلة كبيرة

حساسية القمح
نصيحتي لكل ام بطل سكري: بلاش توكلي ابنك خبز ولا اى من منتجات القمح.. من اول سيريلاك مرورا بكل ما يحتوي على دقيق
حساسية القمح مرض مناعي مصاحب للنوع الاول من السكر بيصيب 1 من كل 10 اطفال
وهناك دراسات بتربط بين اطعام الطفل سيريلاك في سن مبكرة وبين الاصابة بالنوع الاول من السكر
السبب هو بروتين في القمح اسمه جلوتين.. بسبب اللعب في هرمونات القمح من 60 سنة اصبح الجلوتين 40 ضعف قمح زمان.. فبالتالي اللي بناكله دة لا يعتبر قمح اصلاً انما مسخ جيني ضار ومفروض يحطوا على كل رغيف علامة تحذيرية زى اللي بتتحط على علب السجاير
المرض دة خطورته ان الجهاز المناعي في الجسم بيكون اجسام مضادة للجلوتين .. والاجسام المناعية دي بتصيب اهداب الامعاء المسئولة عن امتصاص العناصر الغذائية المفيدة.. فتسبب ضمورها بالتدريج وبالتالي لا يتم امتصاص العناصر الغذائية في الامعاء لا يستفيد الطفل من الفيتامينات والمعادن الموجودة في طعامه
طيب ازاى الام تعرف ان ابنها عنده حساسية قمح (مرض سيلياك) ؟
في الغالب بيحصل بدون اى اعراض.. عشان كدة الافضل نتجنب القمح بدل ما ندخل في دوامة تحاليل مكلفة جداً
واحياناً علامات معينة ممكن تظهر على الطفل تقدر الأم تعرف منها:
⭐ هبوطات متكررة بدون سبب.. حتى بعد انتهاء مرحلة شهر العسل.. وحتى لو بياكل كويس.. وحتى لو معندوش مشاكل في الغدة.. وعلى نفس جرعات الانسولين
⭐ وزن الطفل ثابت مش بيزيد.. مشكل الغدة بتخلي الطفل ما يطولش.. انما حساسية القمح بتخلي الطفل ما يزيدش في الوزن
⭐ وجود انيميا نقص حديد في صورة الدم ولا تستجيب لجرعات الحديد الاعتيادية عشان مفيش امتصاص في الامعاء
⭐ اسهال مزمن يستمر شهر
⭐ انتفاخات متكررة في البطن بلا سبب
⭐ الام في فم المعدة وفي البطن بلا سبب
⭐ نقص فيتامين د ونقص كالسيوم
⭐ ارهاق ونقص في الفيتامينات والعتاصر الغذائية لان جلوتين القمح تسبب في تدمير الاهداب الماصة في الامعاء فلم يعد قادر على امتصاص فوائد طعامه مما يعرضه لهبوطات متكررة
وهناك فحوصات معقدة ومكلفة جدا لمعرفة اذا ما كان الطفل مصاب بحساسية القمح ام لا لان عند اغلب الحالات لا تظهر اى اعراض
لذلك الاسهل والاسلم لطفلك ان تمنعي عنه منتجات القمح لانها اصلا اكتر حاجة بتحتاج انسولين ومنع القمح حيخلينا نقدر نقلل جرعاته واحنا عارفين ان كل ما زادت الجرعات تزيد خطورة الهبوطات والارتفاعات المتكررة عند اى مستخدم للانسولين
بدلا من الخبز ممكن نعمل للطفل خبز بديل مناسب جدا للسكريين وخالي تماما من القمح والجلوتين ولا يرفع السكر:
خبز السمسم وجوز الهند https://my2cents.gawaher.com/24418
فيديو دكتور عمرو عمر
https://www.youtube.com/watch?v=ejgf84i7gOs
خبز ودقيق خالى من الجلوتين - الصفحة الرئيسية | فيسبوك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.