كورس تعلم الانسولين – الحلقة السادسة

كل يوم سؤال
ياترى مين حيجاوب صح النهاردة؟
هدفنا نشر الثقافة الصحية لكل السكريين
فلا تبخلوا بدقائق من وقتكم كل يوم لتعلم شئ جديد عن السكر.. لان السكري طبيب نفسه ومحدش حينفعك غير نفسك.. وثقافتك الصحية هى الدرع الواقي من مضاعفات السكر ربنا يحفظكم
النهاردة باذن الله حنستكمل كلامنا عن موضوع: معامل النشويات اللي بدأناه امبارح هنا:
اللي مقرأهوش يقراه دلوقتي عشان يعرف يجاوب على سؤال اليوم:
عبد الله معامل التصحيح الفعلي بتاعه 48
قبل ما ياكل قام بوزن كل صنف من اصناف الاكل اللي حياكلها في وجبته وهى 6 اصناف:
200جم باذنجان (نشوياته 3% من وزنه)
سلطة مكوناتها:
120جم بصل (نشوياته 7.3% من وزنه)
180جم خيار (نشوياته 3.1% من وزنه)
200جم طماطم (نشوياتها 2.8% من وزنها)
200جم دجاج مخلي من العظم (نشوياته تعادل 15% من وزنه)
377جم بطاطا (حلوة) (نشوياتها 17% من وزنها)
هو استخدم الجدول بتاعنا لمعرفة النسب دي وحسب اجمالي نشويات الوجبة
مين يقدر يحسب له اجمالي نشويات وجبته؟
.
.
.
.
.
.
.
هو حسب نشويات كل صنف وجمعهم على بعض فوجدهم 96 لكن هو مش متأكد من حسبته.. ممكن تساعدوه وتحسبوله صح؟
وقبل ما ياكل قاس سكره وجده 340
السؤال:
لو هو عاوز بعد وجبته يكون سكره 100
ياخد كام وحدة انسولين سريع قبل الاكل؟
#كل_يوم_سؤال

 

(بعد ما تجاوب.. قارن اجابتك بالاجابة الصحيحة الموجودة في اول تعليق.. لو وجدت اجابتك غلط ياريت تقرأ الموضوع من جديد وتحاول مرة اخرى الى ان تصل بنفسك الى الحل الصحيح)

One Comment

  1. الاجابة:
    مجموع نشويات وجبة عبد الله:
    120 جرام نشويات
    معامل نشويات عبد الله:
    48 ÷ 4 = 12
    انسولين النشويات:
    120 ÷ 12 = 10 وحدات
    انسولين التصحيح:
    340 – 100 = 240
    240 ÷ 48 = 5 وحدات
    اذن عبد الله محتاج ياخد قبل الاكل:
    10 + 5 = 15 وحدة انسولين سريع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.