الحياة جميلة بس انتوا اللي بتروحوا لدكاترة

⭐ الحياة جميلة
بس انتوا اللي بتروحوا لدكاترة سكر
? مش فاهم.. امال نروح لمين؟
⭐ حسألك سؤال: لما حوض المطبخ عندك بيتسد بتروح لدكتور؟
? لأ طبعا
⭐ امال ليه وانت مريض سكر نوع ثاني بتروح لدكتور؟
? مش فاهم
⭐ انت مش مريض
? امال انا ايه؟
⭐ انت شخص خلايا جسمك اتسدت ومحتاجة تسليك.. لان جسمك غير قادر على التعامل مع النشويات والسكريات
? والحل؟
⭐ الحل انك تبطلهم
? ابطل ايه؟
⭐ عيش ورز ومكرونة وباقي النشويات والسكريات
سيب دكاترة السكر يعالجوا مرضى النوع الاول.. انما انت خلايا جسمك بقت زى حوض المطبخ
? ازاى يعني
⭐ اتسدت ومحتاجة تسليك بقولك
? برضه مش فاهم
⭐ من كتر اكل النشويات والسكريات اتحولت مع الوقت الى دهون اتخزنت في الخلايا ومبقاش فيها مكان لاستقبال الانسولين اللي جايب لها الجلوكوز
? ودي اسلكها ازى.. اروح لسباك ؟
⭐ لأ.. تبطل عيش ورز وتصوم كتير
فجسمك عشان يحصل على الطاقة حيحرق الدهون دي وبكدة الخلايا ترجع زى الاول والانسداد يروح والمشكلة تتحل من غير لا ادوية ولا دكاترة
? لا ياعم انا مقدرش استغنى عن العيش والرز.. والدكتور بتاعي مديني ادوية بتظبط لي السكر
⭐ ايوة بس دة على حساب بنكرياسك.. بنكرياسك بيموت على فكرة.. والاقراص دي بتعصره طول الوقت وحيسلم نمر قريب وتضطر تعيش باقي حياتك على حقن الانسولين
? طب بص.. انا حاخلص رصة السندوتشات دي ونبقى نتكلم الكلام الكبير دة بعدين.. ماشي ياعم الحاج؟.. اتفضل معايا بقى

No photo description available.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.