حاسبة جرعات التصحيح

حبايبنا اللي بيستخدموا الانسولين.. في اى وقت يلاقوا سكرهم عالي مفروض ياخدوا جرعة تصحيح من انسولين سريع مثل ابيدرا او نوفورابيد او هيومالوج عشان ينزله سكرهم للمستوى الطبيعي 100 او 120

وعشان تعرفوا تاخدوا كام وحدة للتصحيح عملت لكم حاسبة بسيطة تحسب لكم جرعة التصحيح بسهولة

طبعا جرعة التصحيح بناخدها لما يكون سكرنا عالي ونكون مش حناكل.. اما لو حناكل يبقى لازم كمان نزود وحدات مناسبة لنشويات وجبتنا

لو انت بالفعل عارف معامل التصحيح بتاعك اكتبه في اول سطر في الحاسبة

أما لو مش عارفه فحنعمل خطوات بسيطة عشان الحاسبة تحسبهولك

  • اول حاجة حتكتب وزنك
  • الحاسبة حتحسب لك معامل التصحيح المبدئي بتاعك
  • حنقيس سكرك الصبح اول ما تصحى وتسجله في الحاسبة
  • وتكتب عايز سكرك يبقى كام
  • وفورا الحاسبة حتكتب لك عدد الوحدات اللي تاخدها
  • بعد ما تحقن عدد الوحدات دي انتظر ساعتين وبعدين قيس سكرك وسجله في الحاسبة
  • الحاسبة حتكتب لك معامل التصحيح الفعلي بتاعك
  • احفظ الرقم او اكتبه عندك عشان بعد كدة دايما تكتبه فوق في اول الحاسبة لو في اى وقت لقيت سكرك عالي ومحتاج تصححه

يبقى كدة عرفنا ان الحاسبة منقسمة قسمين.. القسم الاول استخدمه لو عارف معامل التصحيح بتاعك.. اما لو لسة مش عارفه استخدم القسم التاني عشان بعد كدة تستخدم دايما القسم الاول من الحاسبة

 

نقطة اخيرة احب الفت نظر حضراتكم ليها: معامل التصحيح ممكن يختلف في اول اليوم عن منتصفه وعن آخره.. لذلك الافضل نكرر الخطوات مرة الصبح ومرة الضهر ومرة بالليل..

وكمان معامل التصحيح بيختلف بمرور الوقت والسنين حسب عوامل كتير مثل تغيرات الوزن ومستوى النشاط  وتغير الهرمونات مثلا في فترة الحمل او فترات النمو والمراهقة..لذلك الافضل كل فتره نستخدم الحاسبة عشان نعرف اذا كان حصل تغيير في معامل التصحيح

دمتم في رعاية الله وحفظه
حاج محمد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.