الفاكهة قنابل موقوتة للسكريين

الفاكهة قنابل موقوتة للسكريين
أولا احنا محتاجين نفهم ان قياس السكر العالي مش هو المشكلة الوحيدة للسكريين
حتى لو السكر احنا مسيطرين عليه وارقامنا طبيعية
توجد مشكلة خفية بتحصل من ورانا
مش متعودين نقيسها ولا الدكاترة بيطلبوا قياسها
المشكلة دي اسمها تسكر البروتين glycation
احنا السكريين جسمنا غير قادر على التعامل مع السكر بانواعه
السكر اساساً نوعين: جلوكوز وفركتوز
الجلوكوز كلنا عارفينه وبنقدر نقيسه بأى جهاز سكر منزلي
أى نشويات بناكلها مثل الخبز والرز والمكرونة والبطاطس.. بيتحولوا في الامعاء الى جلوكوز
أما الفركتوز فهو سكر الفاكهة والعسل
 الفركتوز لا يرفع سكر الدم ،لكن زياده استهلاكه مضره جدا علي الكبد ( الفركتوز يتعامل معه الكبد و يحوله إلي دهون .)،كما أن زياده الإستهلاك وجد أنه يرتبط بأخطار صحيه كثيره منها متلازمه الأيض أو مجازا تسمي متلازمه مقاومه الانسولين .
الفركتوز يدخل أيضا أو مسئول عن عمليه تسكر البروتين Glycation كما يفعل الجلوكوز .. بل 10 مرات أضعاف الجلوكوز ومن هنا تأتي خطورته ..تسكر البروتين نتيجه الفركتوز ينتج لنا ما يسمي ب- Advanced glycation end-product أو إختصارا AGEs
و هي مواد مسئوله عن حدوث أو زياده عده أمراض مثل السكر و الفشل الكلوي و الزهايمر و تصلب الشراين و الكبد الدهني و-النقرس
هذه المواد تؤثر علي أي خليه أو جزء داخل الجسم ..و مسئوله عن الأمراض المرتبطه بتقدم العمر ,كما أنها مسئوله عن أمراض الشرايين المرتبطه بالسكري و ذلك بسبب أنها تسرع من عمليه اكسده الخلايا
البروتين المتسكر يتراكم في الشعيرات الدموية الدقيقة ويسدها وبالتالي المغذيات لا تصل للأعصاب الطرفية فيحدث لها تلف وتموت بالتدريج.. واحنا عارفين ان الاعصاب الطرفية موجودة في كل اجزاء جسمنا.. والتلف بيبدأ من الاطراف البعيدة.. عشان كدة اول حاجة بنشعر بيها تنميل الارجل والشكشكة ودة معناه بداية تلف جزء من الشعيرات الدموية والاعصاب فيها..
لكن كمان الاعصاب الطرفية موجودة في الجهاز التناسلي وفي الكلى والجهاز الهضمي والشرايين والعيون والمخ
البروتين المتسكر خطر على كل جزء في جسمنا
الفركتوز يتجه من اﻷمعاء مباشرة للكبد الذي يحوله الي دهون ثﻻثية ومن ثم إلي دهون خاصه VLDL
الخلاصة ان الفركتوز رغم انه لا يرفع سكر الدم.. لكن في الحقيقة خطورته علينا 10 اضعاف خطورة الجلوكوز
الفركتوز موجود في الفواكه كلها
وموجود في عسل النحل
اذن عشان نحمي نفسنا من اضرار تسكر البروتين مطلوب مننا شوية تضحيات
بلاش فاكهة من اى توع
وافتكروا ان السكر حالة مزمنة يعني حنعيش معاه طول عمرنا.. لذلك محتاجين نبعد عن اى عوامل مهما كانت بسيطة عشان الامور لا تتراكم بمرور السنين وتحصل مضاعفات في المستقبل لا قدر الله
حاجة تانية مهمة جدا احب انبهكم ليها
بالاضافة لتسكر البرروتين اللي بيحصل داخل جسمنا.. يوجد ايضاً بروتين متسكر جاهز في كثير من الاطعمة اللي بناكلها
لما الاكل نطهيه في درجات حرارة عالية قوي بيتكون فيه بروتين متسكر.. الطهى الجاف زى المشويات على الفحم او شواية الفرن وخصوصا اللحوم المشوية من اعلى مصادر البروتين المتسكر
عشان كدة انصحكم تقللوا من اللحوم الحمراء وتكثروا من الاسماك
ولو حتاكلوا لحوم ياريت بلاش شوى.. الافضل تسلقوها على نار هادية
وبلاش قلى او تحمير في الزيت
طريقى الطهى البطئ هى اكثر طريقة صحية لنا
وايضا الطهى على البخار ممتازة
والاسماك برضه ياريت نسويها في طاسة متغطية على نار هادية مع معلقة زبدة صغيرة تاخد وقتها بدون لا شوى ولا تحمير في الزيت
يوجد تحليل اسمه فركتوزامين بيقيس نسبة تسكر البروتين في الدم زى بالظبط التحليل التراكمي اللي بيقيس نسبة تسكر الهيموجلوبين في الدم – لكن أغلب الدكاترة مش بيطلبوه ولسة مش متاح الا في معامل قليلة
وهنا احب اقول لكم ان أى تلف حصل بالفعل في الشعيرات الدموية او الاعصاب ممكن اصلاحه بنسبة كبيرة من خلال الصيام
اثناء الصيام هرمون النمو بيتضاعف 2000 مرة لو صمنا 20 ساعة او اكثر
هرمون النمو هو المسئول عن تجديد الخلايا التالفة في الجسم كله.. وللأسف بيقل مع التقدم في العمر.. لكن في الصيام بيزيد جداً
فلو عايزين تصلحوا الشعيرات الدموية والاعصاب الطرفية.. صوموا صيام اسلامي وبلاش تتسحروا
ولو الكلى تعبانة او مش بتقدر تصوم ممكن تصوم صيام متقطع
الصيام المتقطع:
https://my2cents.gawaher.com/24186
المراجع:
https://academic.oup.com/jn/article/128/9/1442/4722474
https://www.ncbi.nlm.nih.gov/pmc/articles/PMC5227984/
https://www.ncbi.nlm.nih.gov/pmc/articles/PMC5409724/
https://onlinelibrary.wiley.com/doi/full/10.1002/dmrr.2529
https://www.medscape.com/answers/1170337-4902/what-is-the-role-of-advanced-glycation-end-products-ages-in-the-pathophysiology-of-diabetic-neuropathy
https://www.edart-alsukkary.com/2017/12/Edart-alSukkary-Conent-Fructose-in-Fruits-Cals.html

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.