اكشف على الدكتور بتاعك

What is the Reason You See a Doctor? - Hope Healthcare Services
اكشف على الدكتور بتاعك
لما تروح للدكتور عشان يكشف عليك.. انت كمان لازم تكشف عليه
لازم تشوف هل الدكتور يصلح انه يكون دكتور سكر ومؤهل انه يعالجك.. وللا دكتور أى كلام بيضر المرضى ويسبب لهم امراض اكتر من اللي عندهم
الحقيقة المرة ان اغلب دكاترة السكر غير مؤهلين لعلاجنا
طيب ازاى تحكم على طبيبك اذا كان يصلح يعالجك ام لا؟
⭐ لو مقعدش معاك وقت كافي يستمع لك ويشرح لك مرض السكر وليه جالك ويفهمك ان له علاقة مباشرة بنظام اكلك متروحلوش تاني
⭐ اذا لم يطلب منك تحليل مقاومة انسولين من اول زيارة متروحلوش تاني
⭐ اذا لم يقيس محيط خصرك وطولك متروحلوش تاني
⭐ اذا لم يطلب منك تحليل دهون ثلاثية وانزيمات كبد متروحلوش تاني
⭐ اذا كتب لك اقراص محفزة للبنكرياس متروحلوش تاني
⭐ اذا طلب منك تعمل تحاليل في معامل معينة بالاسم متروحلوش تاني
⭐ اذا قالك تاكل كل حاجة بس تقلل النشويات يعني تاكل رغيف واحد او نصف اوربع متروحلوش تاني
⭐ اذا معرفتش تحكم عليه ونفذت كل ما سبق مما تسبب في انه وصلك لانك تاخد انسولين مدى الحياة بعد ما قضى على رصيدك من خلايا بيتا المنتجة للانسولين بعلاجاته الضارة.. وبعد سنوات صرفت فيهم فلوسك على الكشف والادوية لو رحت له بمضاعفات كلى اوعيون او شرايين او قلب او كبد دهني او قدم سكري.. وقالك دة التطور الطبيعي للسكر.. ساعتها تروح له تاني او متروحش تاني خلاص مش فارقة.. اللي حصل حصل.. ومش حيكون في ايدك حاجة تعملها ..غير انك تدعي عليه دعوة حلوة يمكن يفلس ويقفل عيادته وبكدة تساهم في انقاذ ضحايا جدد كان حيمشيهم في نفس الطريق اللي مشاك فيه
لكن اقول ايه.. انتوا مدمنين دكاترة.. مينفعش تعيشوا من غيرهم..
طب على الاقل اكشفوا عليهم زي ما بيكشفوا عليكم

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.