رعشة البرد

رعشة البرد
=======
الى كل من يعاني من الوزن الزائد.. لازم نحتفل بقدوم الشتاء
الرعشة اللي حضرتك بتحس بيها في البرد او تحت دش بارد او وانت بتتمشى في البرد او بتعمل تمارين في عز البرد او حتى وانت بتشرب ميه ساقعة متلجة.. كل دة ممكن يضاعف معدل حرق الطاقة في جسمك 5 اضعاف..
.
السر بسيط
ربنا سبحانه وتعالى عامل في جسمنا نظام بديع يعمل دائما على ان تكون درجة حرارة جسمنا الداخلية 37 درجة .. العلم سماها نظام توليد الحرارة ضد الرعشة الغير معتمد على تحريك العضلات .. او non-shivering thermogenesis (NST).. وعشان يحقق دة بيحرق طاقة عشان يولد حرارة كافية تحفظ لك الدفء الداخلي.. الناس اللي عايشة في الاسكيمو درجة حرارتها لا تزيد عن 37 زينا بالظبط من فضل الله (بس الفرق ان عشان جسمهم في برودة دائمة فالجسم بيفهم ويقتصد في حرق الطاقة والا كانوا خسوا لغاية ما اختفوا هههه.. ودة برضه سبب ان اكل الاسكيمو اقرب للكارنيفور لحوم ودهون ربنا موفرهالهم في انواع سمك عالية الدهون سبحان الله).. الطاقة دي ممكن الجسم ياخدها من جلوكوز الدم عند الناس اللي بتاكل نشويات وحلويات.. اما الناس الشاطرين اللي بيسمعوا الكلام وماشيين لوكارب او كيتو.. مفيش امام الجسم غير حرق مزيد من الدهون – بالذات الدهون البني – وتحويلها الى كيتونات يحرقها كطاقة بديلة..
يعني كل ما تحس برعشة البرد افرح.. جسمك دلوقتي بيحرق دهون جسمك الداخلية وعمال تخس بكفاءة عالية جداً
.
واظب على الدش البارد في عز الشتا
اخرج في عز البرد اتمشى من غير لبس تقيل مبالغ فيه.. حس بلفحة البرد المنعشة الجميلة.. افتح شباك غرفتك بلاش تكتمها
بلاش تتغطي بزيادة وانت نايم وبلاش تغطي رجليك.. بلاش تدفي حجرة النوم.. لو نايم في جو بارد جسمك حيحرق دهون وتخس طول ما حضرتك نايم
.
المعيار هو رعشة البرد.. انت بتترعش اذن انت بتخس
.
ملحوظة: الكلام دة ممنوع لمن يعانون من النحافة.. وممنوع غي اوقات الحمى والمرض.. لو عندك وهن او عيان ولاحظت ان رعشة البرد سببت لك دوخة انسى البوست دة خالص مش مناسب ليك.. الوهن والحمى بيعطلوا نظام التدفئة الداخلي لان الجسم بيسعى وقتها للعكس يعني بيرفع درجة حرارته لان كرات الدم البيضاء في جهازنا المناعي بتحتاج دفا عشان تشتغل باحسن كفاءة في حربها ضد الالتهابات والميكروبات
.
لمزيد من المعلومات الصحية ندعوكم للاشتراك في جروب علاج السكر بدون ادوية:
https://www.facebook.com/groups/lchf4u

One Comment

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.