شاى وسط الاكل

اشربوا 2 كوب شاى كبار بدون سكر وسط الاكل وتمتعوا بفوائد صحية هايلة
تأثير الشاى اثناء الاكل يشبه تأثير اقراص اكاربوز اللي بتمنع امتصاص النشويات في الامعاء
مش بس كدة لأ دة كمان الدراسات اثبتت ان الشاى العادي الاسود بيزود معدل الحرق وبالتالي المداومة عليه بدون سكر يساعد على فقد الوزن فيقلل من مقاومة الانسولين
دة بالاضافة لفوائد كثيرة جدا للشاى بدون سكر.. فهو مضاد قوي للأكسدة ويحمي من تصلب الشرايين والجلطات وامراض القلب ووقاية من الزهايمر وامراض الشيخوخة ويحسن عملية الهضم وكمان وقاية من الاصابة بالسكر من النوع الثاني عشان كدة ياريت كلنا نعود ولادنا على شربه بدون سكر
الاعتقاد السائد كان ان الشاى الاخضر هو المفيد لكن الدراسات الحد اكدت ان الشاى الاسود العادي لو شربناه وسط الاكل بدون سكر فوايده حتكون احسن
وفي الصين واليابان يستخدمون الشاى الاسود الخشن في علاج السكر وخفض سكر الدم
كل دة بالاضافة لفوائد الشاي الأخرى الصحية ومنها الوقاية من السرطان ومن أمراض القلب، زيادة قوة العظم، وتحسين استجابة خلايا الجسم للأنسولين، وتحسين قدرات الذاكرة والتفكير العقلي وتخفيف أعراض مرض ألزهايمر، وزيادة قدرة الجسم على مقاومة نزلات البرد، ورفع قدرة ممارسة النشاط البدني، وتخليص الجسم من الشحوم، وحماية الكبد من التأثيرات الضارة للكحول.
ملحوظة هامة:
هناك اعتقاد سائد ان الشاى اثناء او بعد الاكل يمنع امتصاص الحديد من طعامنا.. دة اعتقاد خاطئ ولا تأثير له يذكر لان 95% من الحديد في جسمنا من مصادرحيوانية.. بينما الشاى يعيق امتصاص الحديد النباتي فقط اللى هو اصلا ضعيف جدا في نسبة
هل يؤثر الشاى على امتصاص الحديد في طعامنا؟
تعالوا الاول نفهم انواع الحديد ومصادره
يوجد مصدرين للحديد في اكلنا:
حديد حيواني heme iron
اهم مصادره كبدة الفراخ ثم كبدة اللحوم ثم اللحم الاحمر
يمتصه الجسم بكفاءة عالية وبسهولة
وحديد نباتي non-heme iron
مثل الموجود في السبانخ
امتصاص الجسم له ضعيف جدا ويحتاج الى فيتامين سي مع الوجبة لامتصاص جزء منه
لذلك نجد ان 95% من الحديد في جسم الانسان هو حديد حيواني. عشان كدة يعاني النباتيين من نقص الحديد ويحتاجون الى تعويضه باقراص فيتامينات ومعادن
شرب الشاى والقهوة والكاكاو والكركديه والبابونج والنعناع واضافة توابل الطعام مثل القرفة والكركم والزعتر والقرنفل والمريمية.. كل دول فيهم مادة اسمها تانين تلتصق بالحديد النباتي في اكلنا فتعيق امتصاص جسمنا له
لكن لا تأثير لكل تلك المشروبات والتوابل على امتصاص الحديد الحيواني اللي موجود في الكبدة واللحوم
وبما ان امتصاص جسمنا للحديد من مصادر نباتية ضعيف اصلا.. وبما ان الحديد في جسمنا 95% منه من النوع الحيواني
اذن نستنتج ان شرب الشاى مع الطعام لا يؤثر على نسبة الحديد في طعامنا الا بنسبة هامشية جداً لا تستحق ان نحرم انفسنا من الفوائد الهائلة لكل تلك المشروبات والتوابل الصحية. وخصوصا ان الدراسات اثبتت ان شرب كوبين من الشاى اثناء الطعام يقلل كتير من امتصاص الامعاء للنشويات وبالتالي يقلل من مستوى السكر في الدم ويحسن من حساسية خلايا الجسم للانسولين
معروف ان الحديد من المعادن التي تلعب دورًا أساسيًا في تكوين الهيموجلوبين في الدم والميوجلوبين في العضلات لان تلك المواد تنقل الدم المحمل بالأكسجين إلى الخلايا لتساعدها على القيام بوظائفها الحيوية  لذا فعند انخفاضه يقل وصول الأكسجين إلى المخ ما يتسبب في شعور الفرد بالصداع، الدوخة فضلًا عن تأثيره على الوظائف المعرفية والتحصيل الدراسي والأداء العضلي، بالإضافة إلى التعب والإرهاق.
اشربوا شاى مع الاكل ولا يهمكوا ومتسمعوش كلام حد واللي يقولك غير كدة قول له طب والتوابل في اكلك حتعمل فيها ايه؟ حتمنعها هى كمان؟
https://www.verywellhealth.com/can-herbal-tea-interfere-with-iron-absorption-89168#:~:text=In%20a%20study%20published%20in%20the%20American%20Journal%20of%20Clinical,absorption%20to%20the%20same%20extent.
https://www.elconsolto.com/medical-advice/advice-news/details/2019/1/2/1489544/%D9%87%D9%84-%D9%8A%D8%BA%D9%86%D9%8A-%D8%A7%D9%84%D8%AD%D8%AF%D9%8A%D8%AF-%D8%A7%D9%84%D9%86%D8%A8%D8%A7%D8%AA%D9%8A-%D8%B9%D9%86-%D8%A7%D9%84%D8%AD%D9%8A%D9%88%D8%A7%D9%86%D9%8A-
https://www.nytimes.com/2009/06/30/health/30real.html
https://www.researchgate.net/publication/315946097_Effect_of_Black_Tea_on_Diabetes_and_Metabolic_Syndrome
https://www.independent.co.uk/life-style/food-and-drink/english-breakfast-tea-boosts-metobolism-weight-loss-study-no-milk-a7982131.html
https://www.alwatanvoice.com/arabic/news/2009/08/01/140132.html
https://www.alseha.net/%D9%81%D9%88%D8%A7%D8%A6%D8%AF-%D8%A7%D9%84%D8%B4%D8%A7%D9%8A-%D8%AA%D8%A3%D8%AB%D9%8A%D8%B1-%D8%A7%D9%84%D8%B4%D8%A7%D9%8A-%D8%B9%D9%84%D9%89-%D9%85%D8%B1%D8%B6-%D8%A7%D9%84%D8%B3%D9%83%D8%B1%D9%8A/
https://arabic.rt.com/health/976400-%D8%A3%D9%81%D8%B6%D9%84-%D9%85%D8%B4%D8%B1%D9%88%D8%A8-%D9%84%D9%84%D9%88%D9%82%D8%A7%D9%8A%D8%A9-%D9%85%D9%86-%D9%85%D8%B1%D8%B6-%D8%A7%D9%84%D8%B3%D9%83%D8%B1%D9%8A/

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.