الخس بديل الخبز

الخس
هو كلمة السر لضبط السكر لجميع السكريين.. نستغنى بيه عن الخبز سبب كل المشاكل والرز كمان
ازاى؟
نقدر نعمل من ورق الخس سندوتشات لذيذة ومشبعة نحشيها ما نحب من بروتين وسلطة وجبنة
نقدر نستخدم خس بلدي او كابوتشا (ايسبرج)
⭐نقطع ورقة خس ونفردها في طبق
⭐نضغط على العود اللي في وسط الورقة بصباعنا عشان يبقى طري ويقبل اللف
⭐نحط على الورقة ما نحب من حشوات.. نسل فراخ.. حلقات طماطم وبصل.. برجر.. تونة.. سمك فيليه.. بيض اومليت او مسلوق حلقات.. مايونيز.. مستردة.. كتشب.. شرايح جبنة.. اى حاجة بنحبها
⭐نلف ورقة الخس من اسفلها الاخضر لاعلاها الابيض.. وبعدين نثبتها بخلة سنان
⭐نقدر نجهز مجموعة سندوتشات بحشوات مختلفة ونقدمه مع اى مخللات منزلية وبالذات كرنب مخلل ملك المخللات.. وزيتون اخضر
 ونقدر كل يوم نغير ونبتكر حشوات جديدة.. ياريت تشاركونا حشواتكم المفضلة ونتبادل افكار جديدة لسندوتشات الخس
يالله ودعوا الخبز والرز
من هنا ورايح كل يوم سندوتشات خس
دمتم في رعاية الله وحفظه
حاج محمد
جروب علاج السكر بدون ادوية
#سندوتشات_خس_كيتو
#وصفات_كيتو
#مخبوزات_كيتو
لو الطريقة مش واضحة شوفوا الفيديو دة:
https://youtu.be/Dn0P5mAm4LU

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.