مكرونة بصلصة الطماطم

وصفة جميلة للشيف هالة فهمي

  • كيلو مكرونة
  • كيلو طماطم
  • بصلة كبيرة
  • قرن فلفل حامي مقطع ناعم
  • معلقة ثوم او 3 فصوص كبار
  • معلقة كزبرة
  • معلقة صغيرة كمون
  • نصف معلقة صغيرة ملح
  • سمن بلدي او زيت
  • معلقتين صلصة طماطم
  • ملح وفلفل

الطريقة

  • نغلي 4 لتر ماء في حلة كبيرة
  • نغسل الطماطم ونقطعها ارباع
  • نضرب كمية بسيطة في الخلاط حتى تصبح طماطم سائلة ونضيف ونضرب بالتدريج
  • نهرس قرن الفلفل مع الثوم والكزبرة والكمون وشوية ملح في كبة صغيرة او هون
  • نخرط البصلة رفيع وعلى عين بوتجاز تانية عالية نحمرها في 3 معالق سمن او زيت ساخن في طاسة مع رشة ملح حتى يصبح لون البصل ذهبي
  • نضيف خلطة الثوم ونقلب
  • نضيف معلقتين الصلصة ونقلب
  • نضيف عصير الطماطم ونقلب
  • نضيف الملح والفلفل الاسود والسكر ونقلب ونتركها على النار بدون غطاء
  • نضيف للماء المغلي معلقة ملح ومعلقة زيت ونقلب ثم نسقط المكرونة على مرتين عشان الماء يرجع يغلي بسرعة ميبردش مننا.. ونقلب كل شوية عشان متلزقش في القعر
  • نسوي المكرونة نصف سوا.. حوالي 3 دقائق من عودة الماء للغليان (عشان حنكمل سواها في الصلصة)
  • نحتفظ بكوب من ماء السلق من الحلة ثم نصب محتويات الحلة في مصفاة معدن في الحوض ونغسل المكرونة بماء الحنفية البارد
  • نصب كوب ماء السلق على الصلصة ونقلب ونسيبها على النار بدون غطاء لغاية ما تغلي وتتقل بفعل كوب ماء السلق
  • نحط معلقة سمن او زيت في الحلة الكبيرة على النار واول ما يسخن نرفعها من على النار ونصب فيها المكرونة المصفاه ونقلب
  • نصب الصلصة على المكرونة على النار مع التقليب لغاية ما المكرونة تستوي وتتشرب الصلصة
  • تقدم ساخنة

وبالف هنا وشفا

 

One Comment

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.