آخر تحديث : 06-09-2020 الساعة 12:14 ص

طول عمرنا كنا بنشتكي من بطء سرعة النت.. الحمد لله دلوقتي بقى سريع.. بس زيادة عن اللزوم.. خصوصا ان كوتة الجيجات عاملينها قليلة جدا فبيخلصوا وصعب جدا تكمل الشهر.. طبعا هما قاصدين كدة عشان تضطر تدفع فلوس زيادة كل شهر

لكن فيه حل بسيط تقدر من خلاله تقلل سرعة النت عشان الجيجات بتاعتك متخلصش بسرعة وتكفيك لباقي الشهر

ادخل على صفحة الراوتر الجديد بتاع وي بكتابة العنوان التالي في متصفح الانترنت:

192.168.1.1

اكتب اسم المستخدم وكلمة السر الخاصة بك

ثم ادخل على: Home Network

Wlan Settings

Advanced Settings

حتلاقي الصفحة كدة

غير
802.11b/g/n
خليها
802.11b

دلوقتي جرب سرعتك حتلاقيها لا تزيد عن 4 ميجا
جرب من خلال speedtest.net

لكن سرعة الرفع او الابلود حتلاقيها لسة عالية في حدود 4 ميجا

تعالوا نقللها برضه نخليها في حدود 1 ميجا

من صفحة الراوتر ادخل على

Internet

Bandwidth Control

تاكد من وضع علامة صح امام

Enable bandwidth control

وحتلاقي مكتوب صفر امام

Ingress bandwidth

غير الصفر وخليه 1024

بحيث يبقى بالشكل دة :

 

 

 

 

 

..

قيس السرعة دلوقتي حتلاقي الابلود (سرعة الرفع) قلت وبقت في حدود 1 ميجا

طبعا تقدرترجع سرعتك كما كانت في اى وقت.. لكن الطريقة دي مفيدة بالذات لما تلاقي الكوتة بتاعتك قربت تخلص والشهر لسة فاضل عليه ايام كتير لان لو مقللتش سرعتك والكوتة خلصت حيخلو سرعتك ابطأ من النملة ودي بتبقى حاجة خنيقة تشل بصراحة

متخليش حد يشتغلك ويدفعك فلوس زيادة انت مش عاوز تغرمها

مع تحياتي