نظام الكارت ١٢ قرش في وي we اذا قارناه بسعر الدقيقة لو اشتركنا في نظام كيكس حنلاقي الاتي:

كيكس ١٢ اشتراكه الشهري ب١٢ جنيه رصيد

بيعطينا ٥٠٠ وحدة

دقيقة الموبايل لارقام وي = وحدة واحدة

دقيقة الموبايل لباقي الشبكات = ٥ وحدات

 

وبما ان مشتركي وي مازالوا اقلية.. فلو معظم اتصالاتك لشبكات اخرى.. اذن سعر الدقيقة حيكون

١٢٠٠ ÷ ٥٠٠ × ٥ = ١٢ قرش

اى نفس سعر نظام ١٢ قرش

مما سبق نستنتج ان نظام كيكس لا يوفر في سعر الدقيقة لباقي الشبكات لكن بنفس السعر اى ١٢ قرش للدقيقة

لكن هناك مزايا لنظام كيكس تجعله اختيار افضل من نظام ١٢ قرش. فنظام كيكس تستمتع فيه بالاتي:

– دقيقة الموبايل من وي الى وي = ١٢٠٠ ÷ ٥٠٠ = ٢.٤ قرش

– ١ ميجا انترنت = ٢.٤ قرش

– دقيقة الموبايل من وي الي اي رقم ارضي = ٢.٤ قرش

اذن  كيكس بالرغم من ان سعر الدقيقة فيه لشبكات فودافون واورانج واتصالات هو نفسه سعر نظام ١٢ قرش.. الا ان به ميزة توفير كبير جدا بنسبة خمس التكلفة عند الدخول على مواقع الانترنت وعند الاتصال بارقام وي وارقام الارضي المنزلي

الحالة الوحيدة التي لا انصحك فيها بالاشتراك في كيكس هو اذا كان استخدامك للموبايل قليل جدا بحيث ان ١٢ جنيه رصيد بيكفوك اكثر من شهر مكالمات ونت.. في الحالة دي بس نظام ١٢ قرش حيكون اوفر لك

اما لو بتستهلك اى مبلغ اكثر من ١٢ جنيه رصيد في الشهر (يعني بتشحن باكثر من ١٨ جنيه في الشهر) يبقى اشترك في نظام كيكس افضل لك

ملحوظة

في عرض الضعف عند الاشتراك في نظام كيكس.. او في حالة اذا  اشتركت في كيكس اثناء شراء خط جديد حتاخد ضعف الوحدات لمدة ٣ شهور. في الحالة دي سعر الدقيقة من وي الى وي او ارضي او ١ ميجا انترنت او رسالة لاى شبكة حيبقى ب١.٢ قرش فقط!.. ولباقي الشبكات حتبقى الدقيقة ب٦ قروش فقط لمدة ٣ شهور

مزايا تجعل خطوط وي متميزة جدا خصوصا نظام كيكس KIX الموفر لابعد الحدود