جشع وي انترنت منزلي


وي (تى داتا سابقا)  تواصل سياستها الجشعة الشريرة. فقد ابتدعت حسبة جديدة في الاشتراكات. طول عمرنا بندفع بالشهر.. يعني لو اشتركت يوم 5 مثلا بتجدد دايما يوم 5 كل شهر

انما جشع وي تفتق عن فكرة خبيثة وهي دفع الاشتراك كل 30 يوم.. وعشان شهور كتير 31 يوم حتكتشف انهم سرقوا منك 7 ايام كل سنة.. مش بس كدة.. المشكلة انك لو مش عارف ومتعود تدفع في نفس اليوم من كل شهر حتفاجأ كتير بقطع الخدمة في الشهور اللي بتيجي بعد شهر ايامه 31 (يناير.مارس.مايو.يوليو. اغسطس.اكتوبر.ديسمبر)

وعشان هما عارفين ان ناس كتير حتنسي ومش حتاخد بالها من ميعاد السداد اللي كل شوية بيتغير ، ابتدعوا فكرة خبيثة تانية سموها “سلفني” ياخدوا منك 10 جنيه ويدوك 5 جيجا تمشي بيهم نفسك لغاية ما تدفع. يعني بيصطادوا ويلاقوا.. اسلوب غير نزيه في التعامل للأسف الشديد

دة غير انهم بقوا يقطعوا الخدمة في نفس يوم التجديد من غير مهلة ولا حتى يوم واحد

ولما تقرن دة بموضوع روتراتهم الجديدة اللي مينفعش تشتغل الا مع وي.. حتكتشف انهم ناصبين لك فخ محكم اللي يصطادوه فيه صعب يخرج منه.. الا اذا كنت مستعد تضحي وتشتري راوتر جديد لما تشترك في اى شركة تانية

انتوا ايه رأيكم في اللي بيحصل دة؟ تفتكروا حيكتفوا بكدة وللا ممكن ييجي يوم يقتحموا فيه بيوتنا وياخدوا اللي حيلتنا؟

شارك هذا الموضوع
error

One Comment

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.