عملت لكم آلة حاسبة بسيطة تقدروا تعرفوا بيها حتوفروا كام لو حولتوا السيارة من بنزين الى غاز سيارات – انا حسبتها وكان ممكن اقولكم على طول الوفر كام – لكن بما ان الاسعار بتتغير – سواءا اسعار التركيب او اسعار لتر البنزين ومتر الغاز – عشان كدة الالة الحاسبة حتفيدكم اكتر على المدى الطويل – وخصوصا ان معدل الاستهلاك بيختلف من البنزين للغاز وبيختلف من عربية للتانية

الخانات حتلاقوا فيها الاسعار وقت عمل الالة الحاسبة – لكن تقدروا تغيروا الارقام لو الاسعار اختلفت في اى وقت – ونفس الشئ بالنسبة لباقي الخانات قابلة للتعديل حسب سعة تانك سيارتك ومعدل استهلاكها

الالة الحاسبة حتوضحلك كمان امتى تبدأ توفر فعلياً في تكلفة الوقود لان طبعا حضرتك بتدفع تكلفة تتركيب معدات الغاز وبالتالي مش حتوفر الا بعد ما تمشي عدد من الكيلومترات بتحسبهولك الالة الحاسبة – بعدها يبدأ الوفر الفعلي في سعر الغاز عن البنزين (مثال: لو اشتريت لمبة موفرة ب50 جنيه بتستهلك ما قيمته 10 جنيه في الشهر كهربا بدل اللمبة القديمة اللى بتستهلك ما قيمته 20 جنيه في الشهر – يعني مقدار الوفر في الشهر 10 جنيه
لو قسمنا 50 ÷ 10 = 5 شهور – يعني اول 5 شهور لسة موفرناش حاجة – لكن بعد 5 شهور اللمبة حتكون جابت ثمنها – وبعد ال5 شهور يبدأ الوفر الفعلي 10 جنيه كل شهر – دة بالظبط اللى بتوضحهولك الالة الحاسبة)