النظام الغذائى اثناء الحمل الرضاعة

النظام الغذائى اثناء الحمل الرضاعة هدفه توفير المواد الغذائية من بروتين ودهون ونشويات صحية وفيتامينات ومعادن ضرورية للام والطفل لضمان نمو طبيعى للجنين والطفل وتوفير احتياجات الأم الاساسية

هدفنا اثناء الحمل و الرضاعة هو عدم حدوث زيادة وزن مبالغ فيها… مرفق جدول للحدود الامنة لزيادة الوزن اثناء الحمل على حسب الوزن قبل الحمل *فى حال الحمل ف تؤام او اكثر الزيادة بتكون اكتر*
كل ما زاد وزن السيدة قبل الحمل .. الوزن المسموح للزيادة بيقل 👇👇👇

ولازم تكون زيادة عن الاحتياج قبل الحمل وممكن نحسبها ببساطة
BMI < 30»»»»» 30 kcal/kg
BMI >30 »»»»» 25 kcal/Kg
او على بحسبة تانية
BMI <25 »»»»3000kcal/day
BMI 25 -30 »»» 2500kcal /day
BMI >40 »»»»»1250 kcal/day
زى ما احنا شايفين كل ما الوزن زاد بنقلل السعرات عشان نمنع حدوث زيادة مبالغ فيها فى الوزن وما يتبعه من مشاكل على الام الحامل وعلى الجنين اهمها زيادة احتمال سكر الحمل وضغط الحمل وتسمم الحمل ووولادة مبكرة وزيادة فى الولادة القيصرية وزيادة فى مشاكل الولادة القيصرية وحدوث التهابات بعد الولادة سواء فى الرحم او فى جرح القيصرية وحدوث صعوبة فى الولادة الطبيعى نظرا لحجم الطفل الزايد عن الطبيعى ..
لما نوصل لرقم 40 BMI يفضل تأجل الحمل تماما مستحيل مريضة تقدر تاكل 1250 كالورى يوميا فجأة اثناء الحمل 
توزيع السعرات بيكون 40 % نشويات معقدة زى الشوفان والبطاطس والبطاطا والقرنبيط والبروكلى والحبوب الكاملة والبقوليات*بكميات قليلة عشان بتتعب القولون والست الحامل القولون عندها عصبى بالفعل*
30% دهون صحية وزيهم بروتين صحى من اسماك طازة وحجم كبير نبعد عن التونة والاسماك المجمدة يفضل اسماك البحر .. اللحوم والفراخ والوز والبط .زيت الزيتون مصدر صحى للدهون النباتية ..
تقريبا هيساوى فطار 3 _4 بيضات مع فراخ او لحمة 200-300 جرام يوميا
الفاكهة مسموحة ثمرة او 2 يوميا
الاكل على كميات قليلة مرات كتير
نمنع اكل ساعتين قبل النوم
الشوربة واى سوائل دافية مسموحة بلا حدود
الشاى والقهوة والنسكافيه نقلل منهم قدر الإمكان
نبعد عن اى زيوت نباتية ساخنة اى قلى بطاطس ممنوع * مسرطن للام والجنين*
اى مشروبات غازية ممنوعة
اى سكريات بسيطة ممنوعة
اى عصائر معلبة ممنوعة
اى أكل مصنع يفصل نبعد عنه
الاكل خارج البيت فى اضيق الحدود حتى لو أشهر واغلى مطعم فى البلد
*الحوواوشى والكبدة والكشرى دول محرمات*
بعد الولادة هنقلل السعرات بس هتفضل فى حدود 2000_2500 بردوا ونفس التوزيع بين النشويات والبروتين والدهون .
الخلاصة ننسى فكرة الدايت ال1500 كالورى اثناء الرضاعة
نننسى اى دايت للتخسيس اثناء الحمل
الاهم نخسر اى وزن زيادة قبل الحمل 
الرياضة اثناء الحمل مسموح تمارين مشى والسباحة فى حدود ساعة يوميا
بعد الولادة الطبيعية ممكن نلتزم فى تمارين بطن او اى تمارين للجسم من تانى يوم بعد الولادة
بعد الولادة القيصرية نصبر من 3_6 شهور بعد الولادة عشان نلتزم فى تمارين بطن او اى تمارين اخرى
#دكتور_مؤمن_زكريا
#كيتو_كود

دمتم بصحة وعافية مع نظام كيتو / لوكارب الصحي


إقرأ كل ما يتعلق بنظام لوكارب - كيتو - LCHF

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.