هل انت ممن سيصابوا بالسكر بعد 10 سنوات ؟

ازاى تعرف انك معرض للاصابة بالسكر في المستقبل ؟
===============================
هل تعلم ان ملايين من الناس عايشين وسطينا دلوقتي حيبقوا مرضى سكر بعد 10 سنين وهما مش عارفين ؟ وانهم لو عرفوا دلوقتي يقدروا يتجنبوا الاصابة بالسكر بمنتهى السهولة ؟
– انا الحمد لله زى الفل .. اقل من 100 صايم وحتى بعد الاكل بساعتين اقل من 100
دة مش كفاية انك تطمن
– ليه بس ؟ يعني حتى بالارقام دي انا ممكن اكون واحد من الملايين اللى حيجيلهم سكر بعد 10 سنين؟
ممكن جداً
السكر بيمر بمراحل طويلة بتبدأ من 30 سنة قبل ما يعلن عن نفسه
الموضوع بيبدأ من ان شخص تبدأ خلايا جسمه تقاوم دخول الانسولين – بمعنى آخر حساسيته للانسولين تبقى ضعيفة – الشخص الطبيعي اللى جسمه بيتعامل بكفاءة مع الانسولين مجرد ما ياكل اى نشويات او سكريات بنكرياسه يفرز اقل كمية من الانسولين لحرق الاكل دة – لان خلاياه حساسة للانسولين ومفيهاش أى مقاومة ليه – وبالتالي البكرياس عنده بيكون مستريح جداً – وفي نفس الوقت أى نشويات بياكلها بتتحرق بكفاءة
أما الشخص اللى بدأت تظهر في خلاياه مقاومة للانسولين – ودة بيكون مرتبط بالعامل الوراثي – كل ما ياكل عيش او ارز او حلويات او فاكهة البنكرياس بيضطر يفرز انسولين كتير لان خلايا الجسم لم تعد حساسة للانسولين وبدأت تظهر مقاومة – فيضطر البكرياس يفرز انسولين مضاعف بيصل الى 7 اضعاف الكمية العادية – كل دة بيهلك البنكرياس – واحنا ولا حاسين وعمالين كل شوية ناكل عيش ورز ومكرونةوبطاطس وحلويات وفاكهة بلا توقف يوم ورا يوم
في الاول البنكرياس بيفضل يفرز في انسولين اضعاف المعدل الطبيعي لان ربنا خلقه لمهمة اساسية وهى حرق جلوكوز الدم اللى بتعتبر زيادته في الدم سموم – احنا جسمنا فيه 5 لتر دم مفروص الا يزيد الجولكوز فيه عن 4 او 5 جرامات فقط في اى وقت خلال ال24 ساعة – لذلك البنكرياس لما يلاقي الخلايا مش راضية تستقبل الانسولين اللى جايب لها الجلوكوز – يقوم مضطر يزود افراز الانسولين اكتر – لغاية مايوصل 7 اضعاف في خلال 10 سنين تقريباً – بعدها بيكون تعب فتبدأ خلايا بيتا المسئولة عن افراز الانسولين في البنكرياس يحصل لها تلف وتموت فتقل اعدادها بالتدريج – كل دة واحنا مش حاسين بأى حاجة ومستمرين في اكل النشويات عادي جداً – فيبدأ منحنى افراز الانسولين في الهبوط عشان اعداد خلايا بيتا عمالة تقل كل شوية – واحنا برضه ولا هنا ومستمرين في اكل النشويات ولا على بالنا – وفي خلال 10 سنين تانيين لو محدش نبهنا ومازلنا بناكل نشويات يبدأ يحصل فشل جرئي في قدرة البنكرياس على افراز الانسولين – وفي خلال من 10 سنين ال 20 سنة كمان يحصل فشل كلي ويضطر المريض الى الاعتماد على انسولين خارجي باقي عمره
بإختصار لما تأكل خبز شعير وخبز نخالة أو ردة وأنت تعاني من مقاومة الأنسولين وقتها إذا كان البنكرياس لديك مازل فيه بقية من الكفاءة فأنت بفعلك هذا تضعه تحت الضغط والإرهاق لإفراز كميات إضافية من هرمون الأنسولين مما سوف يؤدي إلى تراجع كفاءته شيئا فشيئا حتى يترجم هذا الفعل بأمرين :
الأول الإرتفاع التدريجي لنسب السكر بعد الوجبات وصائم ويشير ذلك إلى التراجع التدريجي لكفاءة البنكرياس
الثاني خلال الفترة السابقة وأنت تستهلك هذا الخبز كان لديك نسب عالية من هرمون الأنسولين في الدم وهذا من شأنه أن يؤثر على كامل الجسم فيسبب إلتهاب الأوعية الدموية مثلا وبالتالي ضعف الدورة الدموية وبالتالي التأثير على القلب
فمضاعفات المرض منها ما سببه إرتفاع نسب السكر ومنها ما سببه إرتفاع نسب الأنسولين فحتى لو كانت نسب السكر مقبولة إلا أن إرتفاع نسب الأنسولين له عواقبه
فتنهض صباحا مثلا مع نسبة أنسولين 0.5 ميكرو غرام / ليتر ليس كأن تصحو على نسبة 5 ميكرو غرام / لتر لا تستغرب الفرق 10 أضعاف مع أنه قد تكون نفس نسبة السكر 100 مثلا ولكن الفرق بين الحالتين كبير جدا
لذلك دائما نقول أن إستهلاك الخبز بشكل عام كان من الشعير أو الشوفان أو النخالة والردة خطأ وإن لم يظهر
No photo description available.
– طب ازاى اعرف.. قلقتني
شوف يا سيدي..
عشان تتأكد حنعوز نعرف طولك ووزنك كام – وكمان تعمل تحليل دهون Lipid Profile عشان نعرف :
الدهون الثلاثية Triglyceride كام
والكوليسترول عالي الكثافة HDLc كام
وبعدين بمعادلة اسمها SPISE نقدر نعرف اذا كان جسمك حساس للأنسولين وللا فيه مقاومة للأنسولين
– ودى احسبها ازاى دي
بسيطة.. استخدم الآلة الحاسبة دي :
شارك هذا الموضوع
error

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.