دليلك الشامل لفهم الكيتو دايت 

فيه أربع عمدان بترتكز عليهم نجاح الكيتو دايت لازم تعملهم كلهم.
1- تدخل في حالة الكيتوزيز nutritional ketosis 
ودي تعملها عن طريق تظبيط مكونات الطعام (الماكرو).
– تقلل مجموع الكربوهيدرات اللي بتاكلها في اليوم لأقل من 20 جم ( جسمك ممكن يدخل في حالة الكيتوزيز لو بتاخد لحد 50 جم كربوهيدرات بس حياخد وقت طويل و جايز حسبتك تكون غلط فالأفضل والأحوط اظبطها علي 20 جم ولو زادت بعض الشيء حتبقي لسه في الأمان)
– تحافظ على تناول كمية معتدلة من البروتين يومياً لو أنت مش بتلعب رياضة يبقي 0.8 الي 1 جم لكل كجم ولو انت بتمارس رياضة يبقي 1.2 الي 1.6 جم لكل كجم، يعني لو فرضنا وزنك 100 كيلو حتبقي محتاج علي 80 جم في اليوم لو مش بتلعب رياضة و لو بتلعب رياضة تاخد 160 جم بروتين . لو زودت البروتين شوية كمان مفيش مشكلة، بحيث ميزدتش عن 2.2 جم لكل كيلوجرام من وزنك.
لازم برضه نفرق بين اللحمة والبروتين، بمعني الطعام كاللحوم و الدواجن والأسماك بيحتوي علي البروتين ولكن بنسب مختلفة، يعني 100 جم لحم بقري لما بيتشوي بيبقي فيه 20 جم بروتين و بالتالي لما اقول 100 جم بروتين يعني نص كيلو لحمة مشوية، مش معناه 100 جم لحمة. او 100 جم فراخ.
– خد بالباقي دهون صحية يعني (باقي سعراتك الحرارية يبقي عبارة عن دهون ) تزود زيت زيتون او زيت جوز الهند او زبدة من مصدر حيواني علشان تديك طاقة و تقلل احساسك بالتعب لما تقلل الكربوهيدرات.
لو مش فاهم اللي اتقال فوق ده يبقي ببساطة (خد مناب اللحمة و حط عليه سلطة كتير قوي و زود ملعقة او اتنين زيت زيتون)
2- الصيام المتقطع او intermittent fasting 
وده متستعجلش عليه هو طبيعي حيحصل حيحصل بس علي خطوات.
الأول حاول متاكولش بين الوجبات، يعني امنع السناكس، التسالي، شوية الأكل اللي قدام التليفزيون وأنت بتسمع الماتش.
بعدين خلي العشاء بدري شوية و متاكولش حاجة لحد الفطار.
شوية و شيل وجبة من التلاتة يفضل تشيل الفطار، بس فيه ناس بتشيل العشاء.
انت متستعجلش علي الصيام المتقطع، لو فعلاً مش بتاكل غير لما تجوع، الكيتوجينك دايت بيقلل الاحساس الفظيع بالجوع اللي كنت بتحسه وانت بتاكل كربوهيدرات، فحتلاقي نفسك تلاقيئاً مستحمله و صايم مدة طويلة.
فيه حاجتين صغيرين علشان ننهي قصة الصيام دي، يفضل تحافظ على السوائل في فترة الصيام، ع الرغم من القهوة والشاي مصرح بيهم في الصيام المتقطع بس الكريمة، اللبن، السكر الدايت بتخليني انصح بالتقليل منهم الا لو بتشربها بلاك بدون سكر او كريمر.
3- شرب الماء. 
عموماً المياه أساس كل دايت ( متفق عليه)
مش بس علشان ان الاحساس بالعطش مشابه للإحساس بالجوع وان ممكن شعورك بالجوع يروح لما تشرب ميه، انما وجودوا بالدراسة ان شرب 500 مل ( كوبايتين مياه) بيرفع معدل الحرق لمدة ساعتين بعد الشرب.
طب نشرب قد ايه؟
أنا بفضل كل ما تعطتش تشرب، بس لأننا بنسهي علي نفسنا خليها كوبايتين كل ساعتين، فيه ابلكيشنز زي water reminder كتيرة تقدر تستعملها، خلال اليوم.
يفضل متشربش قبل ما تنام بساعتين برضه علشان متروحش الحمام كتير.
جودة النوم مهمة جداً علشان الصحة بوجه عام والتخسيس كمان.
عموماً مفيش مريض بننصحه يقلل شرب السوائل الا مريض فشل القلب الحاد اللي فيه ميه ع الرئة او مريض نقص الصوديوم الناتج عن زيادة هرمون الميه (SIADH)
4- تظبيط نسبة الأملاح
زي الصوديوم، البوتاسيوم، الماغنسيوم وآخرون .
عموماً المعادن والفيتامينات بنسميها الميكرو، انا شرحت ليه اتسمت كدة وأهميتها.
(هي تلك الأشياء الصغيرة الجميلة كأحلام الطفولة التي تحسن كفاءة الجسم و تسهل عملياته الحيوية)
اللي بيحصل في الكيتو، كالتالي
معروف علمياً بدراسة لواحد من الراسخين في العلم اسمه (دي فرانزوا) إن الأنسولين بيقوم بمنع الميه والاملاح من النزول في البول، فلما مستواه يقل في حالة الكيتوزيز حينزل الميه و الميه بتاخد في سكتها الأملاح سالفة الذكر وده من أهم الأسباب في أعراض الكيتو فلو اللي بتحصل في الأول.
طبعاً لو زودت الملح بتعوض الصوديوم ولو أكلت خضروات ورقية بتعوض البوتاسيوم والماغنسيوم ممكن تاخد كبسولات لو حسيت بشد في العضلات، ضعف في العضلات، قلق شديد او ضربات قلبك مش مظبوطة (ولو أخدت 200 الي 400 مج من الأول برضه ميضرش)
كمان الكيتونات نفسها مدرة للبول و ده بيخليك محتاج تعويض الميه والاملاح.
تعويض الأملاح مش بس مفيد علشان يحميك من أعراض (الكيتو فلو)، انما الفايدة الأهم علشان جسمك يشتغل بكفاءة عالية و يفضل ينعم بالصحة.
حارب السمنة لانها لا تكف عن محاربتك
#حاصر_جيناتك_لا_مفر
دكتور محمد الصباغ

جدول يساعد الناس اللي عايزه تبدأ ومش عارفه تاكل إيه 🤔
ضروري نهتم بالمياه ، ونظبط الأملاح والمعادن.
وناكل لحد ما نشبع، ومناكلش تاني غير لما نجوع.. بلاش سناكس بقى
نهتم بنسب الأكل، دهون 60-70 ٪ في البدايه، بروتين 0.8 لـ 1 جم / كجم ، و الكربوهيدرات نركز معاها كويس متعديش عن 20 جم في اليوم

ننزل بس نبص على أول كام كومنت للضروره 😊

و ده بوست فيه أفكار أكل كتير https://www.facebook.com/groups/keto.code/permalink/311913662770940/

لينك موقعنا
https://ketocode.net

قناتنا على اليوتيوب

https://www.youtube.com/c/ketocode

لينك الإنستجرام

https://www.instagram.com/keto.codes

لينك صفحة الفيس بوك

https://www.facebook.com/Keto.code/

#مبتدئ_كيتو


للتذكير😍😍

ممنوع تماما (رز ومكرونه ودقيق ومخبوزات ونشا وبقول واي نشويات واي فاكهه اللا (فراوله وافوكاو) وممنوع اللبن والزبادي)
وممنوع السكر
ممنوع الدهون غير الصحيه زي الزيت النباتي او اي حاجه داخل فتصنيعها الزيوت دي
ممنوع الصويا ومنتجاتها
ممنوع المغات والفشار😂
ممنوع الخضراوات النشويه (بطاطس وقلقاس وبسله وبطاطا)

ممسوح الاتي :
دهون صحيه فقط (زبده حيواني-زيت زيتون-زيت جوزهند)
بروتين (لحوم اسماك دواجن وبيض)
خضار :
ورقيات بناكلها ب أي كميه (ملوخيه -سبانخ-جرجير-بقدونس وشبت وكسبره وكرفس)

خضار مسموح لكن بكميه محدده ( باذنجان و قربنيت وباميه وكوسه وفاصوليا خضرا وكرنب )

مسموح بواحده طماطم واحده خيار واحده بصل صغيره يوميا والاستغناء عنهم افضل

الجزر واللفت مكروهين يفضل نبعد عنهم خاصتا فالاول،،ولو مضطرين يبقى قطعه صغيره.
الليمون معانا واحده فريش او اتنين مخللين

المكسرات بندخلها بعد شهر مثلا ومش كل يوم وكميه محدوده ( مكديميا-بيكان-عين جمل-لوز-سوداني -بندق-لب عباد الشمس)
الفراوله زي المكسرات بناخدها كل فتره بكميه محدوده ويفضل المنع فالاول

الاجبان بردو مش بنفضلها فالاول وبنفضل الاجبان الصلبه (رومي _شيدر-موزاريلا-جوده-ريكفورد-حلوم-قشقوان-فلمنك-بارميزان-كيري)
القشطه معانا بس يفضل نتجنبها فالاول.

بدائل اللبن ( لبن جوزهند-لبن لوز-كريمه طهي او خفق-لبن بندق)

بدائل السكر متاحه معانا لكن بنستخدمها في اضيق الحدود ونوقفها تدريجي ، زي ستيفيانا وسويتال وسويت اند سليم.

مسموح معانا التونه والاسماك المحفوظه والبسطرمه والتيركي المدخن والسجق من مصادر معروفه،، بس نعرف ان اللحوم المصنعه الابتعاد عنها افضل واصح وتبقى للاضطرار .

علشان تطبق الكيتو بتعمل فطار من المسموحات ،، ثم صيام (مشروبات فقط) ولما تجوع تاخد الغدا ثم صيام لتاني يوم.
لو جوعت بعد الغدا خد وجبه عشا عادي دا فالاول بس وبعد كده جسمك هتقل شهيته جدا لوحده.
اهم حاجه تخلص الوجبه شبعان وماتاخدش سناكس ابدا.

دمتم بصحة وعافية مع نظام كيتو / لوكارب الصحي


إقرأ كل ما يتعلق بنظام لوكارب - كيتو - LCHF

شارك هذا الموضوع
error

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.