احسن حجارة طورش للسخان في مصر

اسوأ حجارة ممكن تشتريها لسخان الغاز بتاعك هى حجارة ايفريدي EVEREADY خسارة فيها الفلوس وغالية على الفاضي وبتخلص بسرعة وشحنها ضعيف

اما افضل حجارة عن تجربة هي ماركة باناسونيك اليابانية – بس خدوا بالكوا اى حاجة في مصر مكتوب عليها صنع اليابان Made in Japan ممكن تكون مغشوشة من مصانع بير السلم – الغشاشين بيحبوا في الغالب يكتبوا إما اليابان او المانيا عشان يبيعوا ويسكبوا اكتر

لكن انا لقيت حجارة باناسونيك مصنوعة في بولندا Made in Poland فاشتريتها على طول لان اللى بيغش حيكتب طبعا اليابان مش حيكتب اقل من كدة

والشركات اليابانية معروف انها بتنشئ فروع لها في بلاد كتير وبتكون بنفس معايير الجودة للشركة الأم – ماعدا مصر للأسف احنا لينا معاييرنا الخاصة جداً – لذلك معظم الماركات العالمية لما مصر تصنعها بتكون النتائج كارثية بسبب الاسترخاص في مكونات التصنيع واختيار أردأ الخامات للأسف الشديد

المهم اشتريت حجارة باناسونيك البولندي وجربتها – لقيتها حجارة ممتازة – شحنها قوي جدا طلقة – وسعرها مش غالي – الحجرين الطورش ب25 جنيه – بينما حجارة ايفريدي محلية الصنع السيئة جدا سعرها بيوصل 30 جنية واكتر للنوع الاسود

عشان تتأكدوا من انكوا اشتريتوا حجارة باناسونيك اصلية قارنواها  قبل الشراء بالصورة دي :

 

 

 

 

 

حتلاقوا تاريخ انتهاء الصلاحية مختوم بالاسود على قعر الحجارة – بتكون في حدود ٣ سنين صلاحية

وحتلاقوها مغلفة بالسيلوفان وعليها ورقة مكتوب فيها اسم المستورد :

Swiss Trading
24 Shoubra Street
Shoubra, Cairo

شارك هذا الموضوع
error

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.