كلمتين للسيدات الحوامل والمرضعات

عايز اقول كلمتين للسيدات الحوامل والمرضعات:
انتي والبيبي محتاجين تغذية
 
اسمحي لنفسك بتناول من 60 الى 100جم كارب في اليوم في فترة الحمل والرضاعة عشان انتي محتاجة فاكهة عشان تتغذي انتي والجنين/البيبي – مع ضبط جرعات ادويتك طبعا لو بتاخدي انسولين
 
تقدري تاكلي الاتي (اقل الفواكة في نسبة الكاربوهيدرات):
 
افوكادو 100جم = 1.8جم كارب صافي
فراولة 100جم = 5.7جم كارب صافي
بطيخ 100جم = 7.2جم كارب صافي
كنتالوب 100جم = 7.3كارب صافي
خوخ 100جم = 8.0جم كارب صافي
برتقال 100جم = 9.4جم كارب صافي
 
مجموع الفواكه دي لو 100جم من كل صنف = 39.4جم كارب صافي يعني تقدري تدخليهم في اكلك يومياً لو اتبتعي لوكارب من 60 الى 100جم كارب في اليوم – وباقي الكارب خضروات وسلطة
بالاضافة للبروتينات والدهون طبيعية طبعا
 
ما تقلقيش من 100جم كارب – انتي اصلا جسمك بيحتاج 180جم كارب في اليوم – اكتر من كدة نبقى هاى كارب واقل نبقى لوكارب – يعني 100 كارب في اليوم انتي كدة لوكارب طبعا والجسم حياخد الباقي من الدهون – ولما تخلصي رضاعة تبقي ساعتها لو عايزة تقللي عن كدة قللي
 
الكيتو وحالة الكيتوسس مش وقتها دلوقتي خالص
واللى عايزة تخس مفيش مشكلة: قللي من الدهون – يعني كفاية الدهون الموجودة في انسجة اللحمة والفراخ والسمك طبيعي – مع قطعة صغيرة زبدة لتشويح الاكل
 
مع تمنياتي لكم انكوا تقوموا بالسلامة يارب ويرزقكم الله بالذرية الصالحة موفورة الصحة والعافية باذن الله

Posted by ‎لازم كيتو‎ on Thursday, March 21, 2019

دمتم بصحة وعافية مع نظام كيتو / لوكارب الصحي


إقرأ كل ما يتعلق بنظام لوكارب - كيتو - LCHF

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.