واد يا لمبى
تمنع السكر و الرز و الخبز و المكرونه و الزيوت النباتيه و المهدرجه و الملح العادى خالص و تزود الدهون زى السمنه البلدى و زيت الزيتون و زيت السمسم و الكتان و جوز الهند تاكل لحمه و سمك و فراخ بكل طرق طبخهم تزود فى الخضروات الداكنه زى الجرجير و السبانخ تفطر بيض بالسمنه البلدى و مع مكسرات نيه فاهم يا لمبى مكسرات نيه عشان فيها الزيوت الطياره اللى مليانه اوميجا تلاته تاكل مع الفطار جبنه رومى او قليل الملح او اجبان سوريه لازم المخلل يكون بيتى و معمول بملح صخرى لان الملح الصخرى مبيخزنش الميه فى الجسم بين الفطار و الغدا خمس ساعات و تتغدى بقى اى بروتين مع مخلل و خضار زى الكوسه السبانخ الفاصوليا الخضرا و البيضا و الحمرا و مفيش عشا يا لمبى فاهم مفيش عشا
اللحمه مسموح بيها علطول العجل بكامل مشتملاته يعنى كبده لحمه فشه طحال ممبار كرشه كوارع لحمة راس
الفول و الحمص و طعمية العدس مره واحده فى الشهر
كريب العدس مره واحده فى الاسبوع
معمر العدس تلات مرات فى الاسبوع
الرز البسمتى تلات ملاعق مره واحده فى الاسبوع
تقدر تاكل جوز هند مع الوجبات و تقدر تشرب كوب حليب الصبح مع الوجبه
خلى بالك يا لمبى ممنوع النوم بعد الاكل الا بتلات ساعات و ممنوع الاكل بعد الساعه تمانيه حاول تمشى كل يوم نص ساعه فى الهواء الطلق
توزن على ميزان ان بودى مره كل شهر
تشرب ميه كتييييير و تشرب مشروبات دافيه بين الوجبات زى الشاى الاحمر و الاخضر و القهوه التركى و العربى و الينسون و الكراويه و الشمر و الزنجبيل و الليمون و النعناع
الفواكه و الكاربوهيدرات عباره عن سكريات يا لمبى يعنى بتتحول لطاقه فى الجسم فبتزود الوزن
روح يا بنى الهى تخس النص