آخر تحديث : 18-03-2019 الساعة 11:48 م

عايز اشارك معكم تجربتي مع الانترنت المنزلي ADSL واعمل لكم مقارنة بين كل من شركة اتي اي داتا (وي WE) وبين شركة اتصالات

انا كنت باستخدم تي اي داتا وسبتهم من زمان لبط الخدمة وعدم ثباتها – لفيت على أغلب شركات النت في مصر وآخرهم اتصالات – لكن حصل انقطاع في الخدمة اكثرمن 5 ايام فقررت الغي مع اتصالات وارجع الى تي اي داتا We

بعد تجربة تى اي داتا مؤخرا عند اصدقائي وجدت ان خدمتهم اتحسنت كتير عن الاول وخصوصا مع السرعات الجديدة اللى بتبدأ من 5 ميجا وحتى 100 ميجا – عشان كدة قررت اشترك معاهم وتركت اتصالات

وهنا حأكتب لكم تجربتي الحالية مع تي اي داتا أولاً بأول :

• توجهت الى فرع اتصالات وملأت طلب انهاء التعاقد
• في أقل من 24 ساعة تم الالغاء واتصلت بيهم وحصت على رقم الالغاء
• كنت قبلها اتصلت بخدمة عملاء وي على رقم 111 وطلبت التعاقد معهم وأخذوا بياناتي من خلال التليفون والموظف وضح لي ان بمجرد تنفيذ الالغاء مع اتصالات حيبدأوا في توصيل الخدمة
• وبالفعل في اليوم التالي لاتمام الالغاي صدر امر شغل
• وبعد يوم واحد وجدت رسالة sms علي موبايلي بيخطروني بان الخدمة وفي الرسالة وجدت اليوزر نيم والباسورد – فأدخلتهم في راوتر اتصالات اشتغلت الخدمة بالفعل
• استغرق الامر 3 ايام فقط من يوم ما لغيت مع اتصالات وحتى وصول النت لي من تي اي داتا – ودي مدة ممتازة – كان زمان الموضوع دة بياخد شهر وساعات اكتر
• بدأت الخدمة – لكن اول يوم السرعة وجدتها في الراوتر مكتوبة 2 ميجا فقط – مع اني متعاقد لى 5 ميجا – وعند قياس السرعة في موقع Speedtest وجدتها 1.7 ميجا فقط
• اتصلت بالدعم الفني تليفون 111 فقالوا لي ان السرعة بتبدأ قليلة وبتاخد 4 ايام تزيد فيها بالتدريج الى ان تصل للسرعة المتعاقد عليها – لكني وضحت له ان السرعة مكتوبة 2 ميجا في الراوتر نفسه
• في اليوم الثاني من بدء الاشتراك قلت ربما السبب اني لسة مدفعتش الاشتراك – فتوجهت لفرع تى اي داتا ودفت الاشتراك 125 جنيه لسرعة 5 ميجا – وبالفعل لقيت انهم مش كاتبين في السيستم السرعة اللى انا طلبتها بالتليفون ومنتظرين لما أحضر وادفع للسرعة اللى اختارها في الفرع
• الموظف قال لي السرعة حتتغير خلال ساعتين او 3 – لكن لم تتغير الا بعد حوالي 18 ساعة – فاصبحت تظهر في الراوتر 5 ميجا لكن في Speedtest وجدتها أقل: 4 ميجا في المتوسط
• لاحظت ان سرعة التصفح ممتازة – أعلى بكثير من اتصالات بالرغم من اني في اتصالات كنت مشترك على سرعة 16 ميجا – بينما هنا على سرعة 5 ميجا التصفح سريع جدا ماشاء الله
• فيديوهات يوتيوب بتتعرض تلقائي بدقة اتش دي HD 720 وحتى لو ضبته على 1080 full hd الفيديو بتشوفه بدون تقطيع والصورة سلسة ورائعة
• مباريات الكرة وقنوات  IPTV والافلام اونلاين تقدر تشوفها بدقة 720 HD او حتى 1080 FULL HD
• في اليوم الرابع الحمد لله السرعة زادت أكثر واصبحت 6 ميجا في الراوتر و 5 ميجا في موقع سبيد تست – ودة تصرف كريم من وي الحقيقة – بتدفع اشتراك 5 ميجا وتحصل على 6 ميجا – لتعويض النقص المعتاد في السرعة الفعلية – بحيث تحصل على سرعة 5 ميجا حقيقية

مقارنة بين تي اي داتا WE سرعة 5 ميجا وبين اتصالات تورنيدو سرعة 16 ميجا

• تى اي داتا WE أفضل من حيث:
  • سرعة التصفح: فقد وجدت ان التصفح مع اشتراك ال5 ميجا من وي أسرع من التصفح مع اشتراك تورنيدو 16 ميجا من اتصالات!
  • سرعة فيديوهات يوتيوب ومشاهدة مباريات الكرة بجودة عالية 720 بدون تقطيع أغلب الوقت
  • بعد استهلاك سعة التحميل المخصصة لاشتراكك السرعة بتنخفض الى 1 ميجا – بينما في اتصالات السرعة بتنخفض الى ربع ميجا في الاشتراك اللا محدود والى نصف ميجا في اشتراك تورنيدو
  • سعة التحميل: في وي بتكون 100 جيجا في الشهر بينما في اتصالاات توردينو بتكون 75 جيجا فقط
  • السعر: اشتراك وي ال5 ميجا ب125ج بينما اتصالات تورنيدو ب137ج
  • الدعم الفني: عشان وي جزء من المصرية للاتصالات بيقدروا يحلوا مشاكل جودة الخط والأعطال اذا حدثت – وطريقة متابعة الشكاوي جادة وفعالة وحديثة اكثر من اتصالات
• اتصالات أفضل من حيث:
  • البينج: في اشتراك اتصالات البينج بيكون 9 بينما في وي بيكون من 50 الى 80 وساعات يوصل 600 و اكتر كمان – فاذا كنت من هواة الالعاب الاونلاين اتصالات حتبقى افضل لك
  • سرعة الرفع Upload : في اتصالات بتكون 1 ميجا او اكثر قليلا – أما في وي سرع الرفع متواضعة من 0.4 الى 0.7 فقط

وباذن الله سوف احدث هذه الصفحة بأى مستجدات تحدث فيما بعد

ياترى انتوا ايه رأيكم في كل من وي WE واتصالات ؟ – ياريت تشاركونا تجربتكم عشان الكل يستفيد