كرنب بديل المكرونة

آخر تحديث : 29-03-2019 الساعة 11:12 ص

هل تعاني من ارتجاع المرئ؟ او السكر؟ او تريد انقاص وزنك؟ او تبحث عن الصحة والرشاقة والحيوية؟

اذا كنت احد هؤلاء فالنشويات ومنها المكرونة طبعا مضرة لصحتك

طب والعمل ؟ النهاردة عاملين  مكرونة باللحمة المفرومة في البيت؟ انت حتاكل ايه بقى؟

الحل السحري هو الكرنب (او القرنبيط او البروكلي). حناخد شوية من اللحم المعصج بتاع المكرونة ونعمل احلى طبق صحي ولذيذ ومحدش احسن من حد

 

 

المقادير

  • ورق كرنب بلدي او احمر او قرنبيط او بروكلي
  • ثوم
  • صلصة او طماطم مضروبة في الخلاط
  • زيت
  • ملح وفلفل
  • قليل من اللحم  المعصج المجهز للمكرونة

الطريقة

  • نقطع ورق الكرنب او وردات القرنبيط او البروكلي ونضعهم في محضر الطعام ونشغله نبضات الى ان نحصل على فتافيت
  • نضع الزيت في حلة على النار ونشوح الثوم دقيقة ثم نضيف الصلصة والملح والفلفل ونقلب
  • نضيف فتافيت الكرنب ونقلب الكل بسرعة على نار عالية ٣ دقائق
  • نضيف العصاج ونقلب الكل
  • نغطي الحلة على نار هادية ٥ دقائق
  • نقدمها سخنة ونرش على الطبق جبنة رومي مبشورة

اكلة حتاكلوا صوابعكوا وراها. مفيش حرمان من النهاردة ولا تعذيب. كل ما يعملوا في البيت مكرونة انت تاخد شوية من العصاج وتعمل طبقك المفضل الخالي من الاضرار والتخمة

وبالف هنا وشفا

شارك هذا الموضوع
error

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.