كريب بيتي احلى من المحلات

آخر تحديث : 14-12-2018 الساعة 12:13 م

أسهل كريب احلى واطعم من المحلات حنعمله في الطاسة على البوتاجاز وحنلاقيه بيفرش لوحده ويملا الطاسة بدون ما نلمس العجينة

المقادير لعمل ١٨ كريب

  • ٦٠٠جم دقيق
  • ١٢٠٠جم ماء
  • معلقة صغيرة ملح
  • معلقة كبيرة سكر
  • ٣ معلقة كبيرة لبن بودرة
  • ٢ بيضة

الطريقة

  • نضع نصف الماء في وعاء عميق مع باقي المقادير
  • نقلب الكل حتى يختلطوا ببعض ثم نضربهم بمضرب البيض الكهربائي او مضرب سلك يدوي حتى تصبح العجينة ناعمة وخالية من أى كلاليع
  • نترك الخليط نصف ساعة ثم نضيف باقي الماء ونضرب مرة أخرى
  • نحفظ العجينة في الثلاجة لتستريح لليوم التالي – دة حيخليها أكثر نعمومة وميكونش فيها فقاعات او ارتفاعات اثناء الطهى ومتشدش اثناء المضغ
  • نختبر السيولة المضبوطة باستخدام معلقة نأخد بها قدر من العجين ونرفعه فوق ونصبه – فاذا كان العجين بيتقطع اثناء سقوطه يبقى ثقيل زيادة فنضيف بعض الماء ونضرب – حتى نجد ان العجين بينزل من المعلقة سائل غير متقطع – هذه السيولة هى المطلوبة حتى يمكننا أن نفرش العجين  بسهولة بدون لمسه بأن نمسك يد الطاسة ونجعلها تميل في حركة دائرية فتملأ العجينة كل مساحة الطاسة
  • ندهن طاسة تيفال او حديد بفرشة زيت خفيفة
  • نصب مقدار من العجينة في احد جوانب الطاسة ثم نمسك الطاسة من ايدها ونميلها في حركة دائرية عشان العجينة تتفرش لوحدها وتملا الطاسة – وهنا بتظهر فائدة العجينة السائلة لانها حتتفرش بسهولة – اما لو كانت العجينة تقيلة حتتحرك بصعوبة
  • نضع الطاسة على نار متوسطة ٣ دقائق حتى نجد ان العجينة انفصلت عن الطاسة بحيث لو هزينا الطاسة نلاقي الكريب بيتحرك في الطاسة – كدة تبقى استوت من تحت
  • نقلب الكريب في الهواء على ظهره ثم نضع الطاسة على عين غير مشتعلة ونتركها لمدة دقيقة بون نار
  • نعيد الطاسة للنار دقيقة اخرى ثم نرفعه وهو ما زال نصف سوا اذا مش حنحشيه دلوقتي يعني بنحضره بس عشان بعد كدة نسخنه نلى ظهره من غير ما يتحرق. اما لو حنحشيه على طول نسوي الظهر مثل الوش
  • نضع الكريب على شبكة تهوية. وبعد ما يبرد نفرده على نصف فوطة ونغطيه بالنصف الثاني عشان يفضل طري
  • عند حشو الكريب نضعه في الطاسة على النار بحيث يكون الوجه الفاتح تحت عشان يكمل سواه اثناء وضع الحشو

في المحلات بيعملوا العجينة كدة لكن مش بيستخدموا طاسة – بيستخدموا قرض حديد واسع تحته نار بوتاجاز – وبيفردوا العجينة بحاجة اسمها عصفورة كريب – كما في الفيديو التالي :

 

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *