الكتابه بصوتك

موبايلات اندرويد بقت فيها ميزه جميله جدا وهي ميزه الكتابه بالصوت . انا مثلا دلوقتي باكتب لكم المقاله دي بصوتي بدون استخدام لوحه المفاتيح وده شيء مريح جدا

تقدر تكتب اي ايميل بصوتك او اي تعليق هنا مثلا او على الفيس بصوتك و الموبايل هيحول كلماتك الى حروف مقروءه بمنتهى السهوله

كل اللي عليك تعمله في لوحه المفاتيح هتلاقي فوقها مايك لو لمسته يتحول لونه اخضر وتقدر تقول بصوتك بقى الكلام اللي انت عايزه يتكتب بدل ما تكتب بايدك حرف حرف

الطريقه دي مريحه جدا وسريعه وكمان كده نتخلص من الكتابه بالفرانكو المزعجه

تقدر تكتب بصوتك كلام عربي او كلام انجليزي او اي لغه

الميزه دي موجوده في اندرويد بدءا من نسخه 7 واتحسنت كتير في نسخه 8 اوريو

عشان الموبايل يحول صوتك الى كلمات مفروض تكون موجود في مكان مفيهوش دوشه حواليك عشان ميتلخبطش

هو ساعات بيغلط بيكتب كلمات فيها اخطاء بسيطه او حروف محتاجه تعديل لكن حاجات قليله. وفي المجمل هو بيوفر طبعا وقت كبير جدا

أضف تعليق

كن أوّل من يعلّق

avatar
‫wpDiscuz