كشري عدس بجبة

الطريقة دي اكتشفتها بالصدفه وانا بعمل كشري

طعمها خطير خطير ومقاديرها بسيطه وسهله جدا في عمايلها و موفره جد ا

هي تشبه الكشري لكن بدون مكرونه ولا صلصه ولا دقه ولا شطه ولا حمص

المقادير

  • ربع كيلو عدس بجبه
  • 800 جرام ماء
  • ربع كيلو بصل
  • نصف كوب زيت
  • كوب شعريه
  • كوب ارز
  • ملح و كمون و روز ماري

الطريقه

  • نغسل العدس بجبه ونصفيه وبعدين نحطه في حله على النار مع الماء
  • لما يغلي نطفي النار و نغطى الحله
  • نخرط البصل ونحمره في الزيت في حله تيفال ٣ دقائق لغايه ما يدبل فقط
  • نضيف الشعريه ونقلب لغايه ما يبقى لونها وردي
  • نغسل الارز  و نصفيه من الماء
  • نضيف العدس بجبه و الميه بتاعته ونقلب
  • نضيف الارز والملح و التوابل ونقلب الكل وبعدين نغطي الحله ونوطى النار خالص شمعه لمده 20 دقيقه

نقدمه ساخن مع طماطم وبصل بالدقه (خل وتوم وكمون وملح وشطه)

وبالف هنا وشفا

أضف تعليق

كن أوّل من يعلّق

avatar
‫wpDiscuz