أسهل طريقة لعمل الزبادي البلدي فى البيت بدون أجهزة

آخر تحديث : 31-01-2019 الساعة 11:39 ص

الزبادي بقت اسعاره غالية جداً – دة غير انه معمول من بودرة – تعالوا احنا نعمل أحلى زبادي بلدي في البيت بمنتهى السهولة ومن غير أجهزة

كل اللى حنحتاجه:

  • معلقة زبادي (أول مرة بس)
  • برطمان زجاجي كبير سعة لتر
  • كيلو حليب بلدي من محل البان كويس واثقين فيه

الطريقة

  • نغلي الحليب – ثم نتركه يبرد الى ان يبرد
  • نحط في البرطمان معلقة زبادي كخميرة ونصب عليها شوية من الحليب الدافي ونحرك البرطمان فى ايدنا حركة دائرية عشان الزبادي يذوب في الحليب – وبعدين نصب باقي الحليب
  • نغطي البرطمان ونضعه في حلة كبيرة نملآها ماء مع مراعاه ألا يصل الى غطاء البرطمان
  • نضع الحلة على نار البوتاجاز ونشعل النار 5 دقائق حتى يصبح الماء حول البرطمان دافي مثل دمعة العين – او زى ما نجس مريض سخن – بحيث نستحمل نحط صباعنا ونسيبه شوية فيه – ووقتها نطفي النار ونغطي الحلة وبداخلها برطمان الزبادي
  • يعد 12 ساعة حنلاقيه تحول الى أحلى وأطعم زبادي – نحفظه في الثلاجة وناخد منه بالمعلقة كل ما نحب ناكل زبادي
  • لا ننسى ناخذ كل مرة معلقة زبادي قبل ما يخلص عشان نعمل منها زبادي جديد – وبالطريقة دي مش حنشتري زبادي تاني
  • لو مش حنعمل زبادي لفترة ممكن نشيل معلقتين زبادي فى كيس فى الفريزر نستخدمهم في أى وقت في المستقبل

استخدام الحليب البلدي الغني بالفوائد بيخلي الخمائر الطبيعية اللى فيه تتكاثر وتزداد فوائد الحليب الصحية والغذائية اضعاف – وخصوصاً البكتيريا النافعة مثل حمض اللبنيك lactic acid المفيد جدا فى عملية الهضم واللى بيساعد علي تجنب هشاشة العظام والتهاب المفاصل وخشونتها – ومتخافوش من تلوث الحليب لان حتى لو الحليب به ميكروبات ضارة فبمجرد غليه ثم تكاثر البكتيريا النافعة فيه بفعل خميرة معلقة الزبادي بتقضي على اى ميكروبات ضارة وتمنع تكاثرها – واحنا طبعا لازم برضه نشتري الحليب من مكان نظيف مجربينه وواثقين فيه وانه بيبيع الحليب الجاموسي بخيره

ولا تخافوا من الدسم فأحدث الدراسات أثبتت أن الدسم الطبيعي في الحليب ومنتجاته لا ضرر منه بل هو مفيد صحياً لكل أفراد الأسرة

والف هنا وشفا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.