صوص الرانش للبيتزا

آخر تحديث : 17-06-2018 الساعة 11:33 م

آخر تحديث: 17-06-2018

بيتزا Papa John’s chicken ranch ملهاش حل – طعمها خيالي – بس غالية قوي 140 جنيه – عشان كدة انا جربت اعمل صوص الرانش وطلع تحفة – بيتحط علي وش البيتزا بعد ما تطلع من الفرن – خصوصا بيتزا فراخ الرانش

انا كتبت لكم قبل كدة وصفة عجينة البيتزا – وهنا حاشرح لكم فقط طريقة عمل صوص الرانش الرهيب

المقادير

  • كوب مايونيز بيتي بالمستردة
  • كوب لبن رايب فلاحي او زبادي
  • معلقة كبيرة ثوم مفروم
  • 2 معلقة صغيرة بودرة بصل
  • نصف كوب خضرة طازة مفرومة (شبت وبقدونس وكزبرة)
  • عصير ليمونة
  • معلقة كبيرة خل
  • معلقة صغيرة شطة
  • معلقة صغيرة فلفل اسود

الطريقة

  • نعمل المايونيز البيتي
  • نفرم الحضرة ناعمة ونضيفها مع باقي المكونات ونقلبهم كلهم مع بعض (يدوي بدون خلاط)
  • نضعهم في برطمان فى الثلاجة ليلة او ساعتين على الأقل للحصول على طعم مميز

صوص الرانش تتحط على البيتزا بعد خروجها من الفرن وقت التقديم – او في الطبق على جنب ويتغمس بيها

والف هنا وشفا

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.