طريقة عمل عجينة الكنافة في البيت

تحديث: قمت بتنفيذ هذه الوصفة وكانت النتيجة غير جيدة – الكنافة بعد ما طلعت من الفرن لقيتها مجلدة وناشفة – لذلك لا انصحكم بعملها

اضغط هنا

تقريبًا كل حاجة ممكن تتعمل فى البيت – عملنا قبل كدة القطايف – والنهاردة حنعمل مع بعض عجينة الكنافة – ألى وأنضف من الجاهزة – وأرخص بكتير – بأقل من ربع الثمن تقريبًا

المقادير (لعمل 700 جرام كنافة)

  • 250جم دقيق
  • 50جم نشا
  • 2ج ملح
  • 450جم ماء
  • قليل من الزيت لتلميع الطاسة

الطريقة

  • نخلط الدقيق والنشا والملح ثم نصب الماء ونقلبهم كويس بمضرب يدوى او كهربائي
  • نخرم غطاء أى عبوة بلاستيك فاضية – زجاجة مياة غازية لتر بلاستيك مثلا – ثقب واحد رفيع – بمسمار رفيع – نمسك المسمار بكماشة ونسخنه على النار ثم نخرم بيه الغطاء البلاستيك
  • نصب العجينة السائلة فى العبوة ونغطيها بالغطاء المخروم
  • نسخن طاسة نلمعها بمنديل ورق وقطرة زيت ثم نمسك العبوة بالمقلوب ونعمل دوائر عجينة فى الطاسة
  • بعد اقل من دقيقة حتكون العجينة استوت – نعرف لما يتغير لونها من الابيض الى الكريم – نشيلها بسباتيولا بلاستيك ونفردها على فوطة قماش ولما تبرد شوية نغطيها عشان تفضل طرية
  • نكرر عمل دوائر الكنافة حتى ننتهى من كل العجينة

ممكن نعمل منها كنافة في نفس اليوم او نحفظها فى كيس فى الثلاجة لبضعة أيام او في الفريزر لوقت أطول

وبالف هنا وشفا

لو الموضوع نال اعجابك اضغط هنا لدعم الكاتب (جزاكم الله خيراً)

أضف تعليق

كن أوّل من يعلّق

avatar
‫wpDiscuz