قدمت شركة وي WE (المصرية للاتصالات) 13 نظام جديد للانترنت المنزلي بأسعار متفاوتة تبدأ من 125 جنية فى الشهر وحتى 798 جنيه – وسرعات مختلفة تبدأ من 5 ميجا وحتى 100 ميجا – وسعات مختلفة للإستهلاك الشهري المسموح تبدأ من 100 جيجا وحتى 500 جيجا في الشهر
اليكم تفاصيل الانظمة الجديدة :
السرعة بالميجابايت | السعة بالجيجابايت | قيمة الاشتراك الشهري | بالضريبة |
5 | 100 | 110 | 125.4 |
15 | 100 | 150 | 171 |
15 | 200 | 250 | 285 |
15 | 500 | 550 | 627 |
25 | 100 | 200 | 228 |
25 | 200 | 300 | 342 |
25 | 500 | 600 | 684 |
50 | 100 | 250 | 285 |
50 | 200 | 350 | 399 |
50 | 500 | 650 | 741 |
100 | 100 | 300 | 342 |
100 | 200 | 400 | 456 |
100 | 500 | 700 | 798 |
طبعًا أول ملاحظة واضحة جدًا ان دي أول مرة تتوافر في مصر السرعة الفائقة 100 ميجا – وهي سرعة مهولة لم يسبق لأحد تقديمها في مصر من قبل – الا أن أقل اشتراك فيها – وهو 342 جنيه فى الشهر – يسمح لك فقط بسعة اجمالية 100 جيجا فى الشهر – وهذا أمر مضحك لانه – مع هذه السرعة – سيكفيك لمدة 17 دقيقة فقط !!! – تقضي بعدها باقى اليوم وباقي الشهر كله بواحد علي مائة من سرعة اشتراكك (سرعة 1 ميجا بدلا من 100 ميجا) – وحتى أغلي اشتراك – 798 جنيه فى الشهر – لا يسمح لك سوى ب500 جيجا فى الشهر – بهذه السرعة سيتم استهلاكهم فى أقل من ساعة ونصف استخدام – لتقضي بعد ذلكم باقي اليوم الأول وباقي الشهر كله بسرعة 1 ميجا بدلا من سرعة اشتراكك 100 ميجا – عشان كدة أنصحكم بالتفكير كثيرًا قبل الاقدام على الاشتراك فى هذه السرعات ذات السعات الكوميدية – ولايمكن التفكير فى تلك الانظمة أو أخذها بمحمل الجد الا اذا قاموا بالغاء تحديد السعات الشهرية وجعلها غير محدودة كما كانت من قبل
وبعيدًا عن الانظمة ذات السرعات العالية جدا – 50 و100 ميجا – دعونا نتأمل باقي الانظمة – سنلاحظ أن النظام الاول والثانى – اللى اسعارهم معقولة وفي متناول أغلب الناس – سعتهم الشهرية قليلة جدًا – 100 جيجا فقط استهلاك شهرى – وهى كمية ستجعلك حريص جدًا فى استهلاكك ولن يمكنك تنزيل افلام مثلا الا فى اضيق الحدود – والغريب ان النظامين لهم نفس السعة بالرغم من ان هناك فرق تقريبًا 40% فى السعر بينهم
السعة المقبولة تجدها فى النظام الثالث – 200 جيجا شهرى – الا ان السعر مرتفع جدًا : 285 جنيه شهري
لاحظوا اننى لا اناقش السرعات وذلك لأن السرعة فى وي (تى اى داتا سابقًا) لا تكون ثابتة وتتأثر كثيرا فى أوقات الذروة – وهذا عيب معروف لهذه الشركة حيث تقبل اعداد هائلة قد لا تتناسب بالضرورة مع السعات التي توفرها الشركة لعملاءها – وبالتالي السرعات تعاني فى أوقات الذروة
أفضل ميزة فى هذه الأنظمة ان في حالة استهلاكك لكل الجيجات المسموحة لنظامك تنخفض السرعة الي 1 ميحا – وليس نصف او ربع ميجا مثل الشركات الأخرى – ودى ميزة كبيرة اذا كنت بتخلص جيجاتك دايمًا قبل انتهاء الشهر
هل انت من ضمن المشتركين فى أحد هذه الأنظمة – لو كدة ياريت تكلمنا عن تجربتك عشان الكل يستفيد…
طب ونظام اورنج الجديد Home 4G
دة نظام يناسب الناس اللى معندهومش خط ارضي
لكن الاستخدام الشهري فيه اقل بكتير من الارضي – اشترك فيه بس لو مضطر ومفيش بديل تاني
طب و2 ميجا اورنج دة حلو dsl
هية باقات كونكت x الجديدة من اتصالات دى حلوة
كتجربة عملية انا مجربتهاش – ياريت حد يفيدك
لكن القاعدة ان أى حاجة من المصرية للاتصالات – وي حاليا – مش حلوة – فمثلا السعات فى الدي اس ال هزلية جدا وممكن تخلص في يوم واحد بالسرعات دي – لذلك تقدر تتعامل معاها على ان كل الباقات دي سرعتها 1 ميجا لان هى دي السرعة اللى حتكمل معاك ال29 يوم الباقيين من الشهر