صحى ورخيص: بقسماط مطحون من العيش البلدى

آخر تحديث : 28-06-2019 الساعة 01:58 ص


اذا كان لديك بطاقة تموين وبتشترى العيش البلدى الاسمر ابو شلن فربنا بيحبك – انت بتاكل اكثر رغيف صحى ممكن تشتريه الفلوس – صحى اكثر من كل انواع الخبز التى تباع بعض بجنيه الرغيف

والسر فى ذلك ان الافران البلدى لا تستخدم خميرة – وانما تعجن بطريقة العجينة القديمة – اى تحتفظ بحتة من عجين اليوم لتخمر بها عجينة بكرة – وهكذا كل يوم – مما يجعلها خميرة برية غنية البكتيريا اللبنية المفيدة للجهاز الهضمى وللمخ واغلب اعضاء الجسم – وهى نفس الطريقة التى تتبعها المخابز العريقة فى فرنسا والمانيا وامريكا وغيرهم من بلاد العالم والفرق انها تبيع محبوزاتها باسعار اعلى بكثير من مخابر التخمير التجارى السريع

الفرن اللى بيستخدم طريقة العجينة البايتة تعرفه من طعم العيش البلدى بتاعه – لو حسيت وانت بتاكله ان طعمه مزز يبقى معمول بالطريقة الصحية المذكورة – اما لو مفيهوش مزازة يبقى بيستخدماواقواالب خميرة بيرة عادية ومفيهوش فوائد صحية ولا بكتيريا نافعة

المقادير (لعمل نصف كيلو بقسماط مطحون)

  • 8 ارغفة بلدى وزن 90جم

الطريقة

  • نقطع كل رغيف نصفين ثم نفصل وشه عن ظهره
  • نرصهم فوق بعض وبالسكينة نقطعهم شرايط ثم نقطع الشرايط مربعات صغيرة
  • نضربه في الكبة حتى يصبح فتافيت
  • نرصه في صينية واسعة ونخله الفرن على اقل نار شمعة لمدة ساعة
  • نطفي النار بدون فتح الباب ساعة اخرى
  • نخرج الصينية ونتركها تبرد تماما
  • نضرب فتافيت العيش المحمص في الكبة لنحصل على احلى بقسماط مطحون ومحمص
  • البقسماط حنلاقيه خشن شوية مش ناعم قوي زى بقسماط الفينو – وهذا افضل للحصول على بانيه وفراخ مقرمشة مثل كنتاكى

وكفاية انه صحى جدا عن بقمساط الفينو المطحون الجاهز – دة غير انه كدة حيقف رخيص جدا – الكيلو حيكلفك 80 قرش فقط بينما الجاهز ارخص نوع منه ب16ج وهناك انواع بحوالى 30ج الكيلو

شارك هذا الموضوع
error

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.