تخيلوا ان فى الوقت اللى الغلبان فى مصر مش لاقى ياكل ولا يأكل عياله – توجد محلات فى ام الدنيا تبيع بلوزة حريمى ب72 الف جنيه وبنطلون ب145 الف جنيه !!!
تداول رواد مواقع التواصل الاجتماعى فيديو للراقصة الاستعراضية سما المصرى وهى تتجول فى أحد محلات الملابس فى مصر، تعرض فيه ملابس بأسعار فاحشة.
يباع فيه بلوزة بـ72 ألف وبنطلون بـ 145 ألف، وجزمة بـ 10 آلاف جنيه، وجزمة حريمى أخرى بـ 40 ألف جنيه،وهو اعتبرته سما مبلغ يكفى لشراء سيارة جيب، وسخرت سما من الأسعار المرتفعة وقالت أن سعر الجزمة هو مقدم شقة لشاب مصرى، مؤكدة أن المحل فى مصر وليس فى دبى، بينما برر البائع ارتفاع الأسعار بتحرير سعر الصرف
طبعاً اصحاب المحلات دى مش مجانين – أكيد فيه زبائن مصريين بيشتروا بالاسعار دى والا كانت المحلات فلست وقفلت
يا مثبت العقل والدين
يعمل ايه المواطن الغلبان فى ام البلد دى – حد يقول لى!
ناس بيشتروا شقق بملايين وناس تانية مش عارفة تشترى شقة طعمية يا ناس !
دة غير الفيللات اللى بمئات الملايين والمنتجعات اللى بتتراح اسبوعين فى السنة
وناس عايشة فى المقابر ومقالب الزبالة والعشش
ناس بتاكل اكل مستورد من باريس والمانيا وامريكا الوجبة منها بالالوف – وناس بتاكل من صنادبق القمامة
عليه العوض ومنه العوض – ولا حول ولا قوة الا بالله