سندوتشات بورق كرنب بديل العيش

آخر تحديث : 24-12-2017 الساعة 12:16 ص

تحديث:
ورق الكرنب الاحمر اسهل فى الاستخدام كبديل للعيش فهو لا يحتاج طهى

اذا كنت تتبع نظام تقليل النشويات وممتنع عن اكل الخبز – فعندى لك فكرة هايلة بديلة للعيش – تقدر تعمل سندوتشات روعة من كل الاصناف اللى بتحبها باستخدام ورق الكرنب – بس طبعاً عشان يلف معانا حنحطه فى ماء مغلى دقيقة عشان يطرى وينفع نلفه

الفكرة بسيطة وبنفس طريقة المحشى :

  • هات كرنباية وافصل ورقها عن بعض
  • اغلى ماء فى حلة ثم ضع ورقة من اوراق الكرنب لمدة دقيقة او دقيقتين فى الماء المغلى ثم ارفعه وضعه فى صفاية
  • انتظر لما الماء يغلى تانى ثم اغمر ورقة ثانية – وكرر مع باقى الاوراق واتركهم يتصفوا ويبردوا
  • افرد الورقة ثم افصل بالسكين العود اللى فى وسط كل ورقة
  • ضع انصاف الاوراق فوق بعض واقسمهم بالسكينة لاطوال مناسبة

كدة بقى عندك قاعدة لعمل سندوتشات ملفوفة فى اى وقت – يعنى مثلا بناكل فول او طعمية او جبنة او فراخ بانيه او لحمة مفرومة او لحمة بالبصل والجزر – نفرد قطعة من ورق الكرنب ونحشيها بالغموس ونلفها عليه وناكل بالف هنا وشفا

ويمكن طبعاً عمل كمية وبعد ان تجف تماما فى مصفاة نحطهم فى اكياس فى الفريزر بيعيشوا طول السنة – الكرنب بيظهر خلال الشتاء لكن احنا نقدر لو عندنا ديب فريزر نجيبه ونعمله بالطريقة دى ونحفظه فى الديب لاستخدام طول السنة

متعكم الله بالصحة والعافية وبالف هنا وشفا

أضف تعليق

كن أوّل من يعلّق

avatar
‫wpDiscuz