آخر تحديث : 12-12-2017 الساعة 09:58 ص
من ساعة ما شفت الفيديو دة وانا نفسى ازرع بنفسى حبوب لطائر البادجى
وفعلاً بدأت التجربة فى 1-12-2017
بدأت بنقع شوية حبوب تشكيلة من اكل البادجى فى كوب به ماء – عبارة عن خليط من الدنيبة والبلكم والفلارس – ثم بعد يومين نثرته على التربة فى اصيص فى البلكونة – وضغطت بايدى على التربة لتثبيت الحبوب فيها – وبعد 3 ايام ادركت ان الدنيا بقت برد بالليل فادخلته من البلكونة ووضعته بجوار شباك زجاجى تدخل منه الشمس – الحبوب مكنتش لسة نبتت – لكن بمجرد ما دخلتها من البلكونة نبتت فى نفس اليوم
5-12-217 : اليوم الخامس : البلكم بدأ ينبت بعد 5 ايام من زراعته
لاحظت ان البلكم (الدخن) Millet بس هو اللى بدأ ينبت – وبالفعل قرأت انه هو الاسرع فى النمو – بيكتمل نموه وتظهر كيزان الحبوب بعد 3 شهور ونصف من بدء زراعته
والدنيبة هى فى الحقيقة نوع من انواع البلكم اسمه : green millet
اما الفلارس Canary seed (Phalaris canariensis) فبتاخد وقت طويل – فغالبا البلكم هو ان شاء الله اللى حينفع يتزرع فى البيت
- بلكم Millet
- فلارس Canary seed (Phalaris canariensis)
8-12-2017 : اليوم الثامن : ينمو بسرعة ماشاء الله
اليوم ال12
استفدت جدا لكن كنت اتمني ان تكمل الموضوع للاخر
شكرا لك