عصيدة قمح نابت

اليكم طريقة صحية بديلة للعيش – حنستخدم نفس القمج اللى بيطلع منه الدقيق – القلب النشوى لحبوب القمح – اما هنا فحنستخدم حبوب القمح كلها لنحصل على قيمتها الغذائية كاملة – مش بس كدة – لكن كمان حننبت حبوب القمح لتتضاعف قيمتها الغذائية من بروتينات وفيتامينات ومعادن

اضغط هنا

الخطوات :

  • 2 كوب قمح نغسلهم كويس ونشطفهم 3 مرات
  • ثم ننقع القمح فى ماء لمدة 8 ساعات
  • نصفيه من ماء النقع ونشطفه ونضعه فى علبة بلاستيك مبطنة بقطعة قماش فانلة تكون مغسولة ونظيفة – ونغطى القمح بالاطراف الاربعة للقماشة ثم نبلها تحت الحنفية ونصفيها فى الحوض
  • نكرر بل العلبة بالقماشة وهى مثنية على القمح زى ما هى تحت الحنفية ونصفيها مرتين فى اليوم
  • بعد يومين ستبدأ تظهر جذور صغيرة بيضاء – ننتظر يومين آخرين حتى تكبر الجذور ولا ننسى تكرار الشطف والتصفية فى الحوض كل 12 ساعة
  • نغلى ماء ثم نضع فيه القمح النابت – وعندما يعود الماء للغليان نطفى النار ونغطى الحلة 6 ساعات او ليلة
  • نغرف منه فى طبق ونضع عليه قليل من الملح والزعتر المطحون (او اى  اعشاب او توابل تفضلونها)
  • او نضع عليه قطع فاكهة ومعلقة عسل نحل
  • نحتفظ بالباقى فى الثلاجة وناكل منه مع الوجبات بدلا من العيش
لو الموضوع نال اعجابك اضغط هنا لدعم الكاتب (جزاكم الله خيراً)

أضف تعليق

كن أوّل من يعلّق

avatar
‫wpDiscuz