صدور فراخ مشوية بالخضروات

اليكم اكلة طعمة جداً ومغذية وخالية تقريباً من الكربوهيدرات الضارة

اضغط هنا

المقادير (لفرد واحد)

  • صدر فراخ مخلى (فيليه)
  • بصلة
  • طماطماية
  • فلفلاية رومى
  • معلقة صغيرة ثوم مفروم
  • نصف معلقة صغيرة روزمارى مطحون
  • ربع معلقة صغيرة ورق لورا مطحون
  • معلقة صغيرة ملح
  • معلقة كبيرة خل او عصير نصف ليمونة صغيرة
  • معلقة كبيرة زبادى سادة او لبن رايب او حليب جاموسى
  • معلقة زبدة

الطريقة

  • نقطع صدر الفرخة افقياً لنحصل على صدرين نفس الطول لكن رفيعين
  • نقطع البصل والطاطم والفلفل مكعبات صغيرة
  • نضع كل الكونات فى طبق عميق ونقلبهم مع بعض جيداً ثم نغطيهم فى الثلاجة ساعتين
  • نسخن طاسة فيها معلقة سمن بلدى او زبدة
  • نخرج الصدور من التتبيلة وننفض عنهم قطع الخضروات ونضعهم وحدهم فى الطاسة وبعد دقيقة على نار عالية نقلبهم على الوجة الاخر ونغطي الطاسة ونوطى النار جدا 10 دقائق
  • نخرج الصدور ونضعها على شواية على البوتاجاز لشويهم على نار عالية 10 دقائق مع التقليب كل دقيقة
  • فى نفس الوقت نصب كل مكونات التتبيلة فى الطاسة لطهيهم فى المتبقى من بهريز الصدور – ونغطى الطاسة على نار هادية 10 دقائق بينما الصدور بتتشوى على الشواية (وممكن نضيف اى خضروات اضافية فى الطاسة –  مثلا بروكلى او قرنبيط او حلقات كوسة او فاصوليا خضراء او جزر او اوراق سبانخ)
  • نضع الصدور فى طبق التقديم وبجوارها الخضروات

تقدم مع مخلل بروبيوتيك

لو الموضوع نال اعجابك اضغط هنا لدعم الكاتب (جزاكم الله خيراً)

أضف تعليق

كن أوّل من يعلّق

avatar
‫wpDiscuz