آخر تحديث : 18-02-2019 الساعة 03:10 م
كاوباد kao pad طبق ارز تايلاندي لذيذ جدا منتشر فى شوارع تايلاند – ممكن يتعمل بالجمبرى او مكعبات سمك او كابوريا او فراخ او رومى زى ما تحبوا – جربوه وان شاء الله حتدعولى – وحيبقى من اطباقكم الاساسية لان الكل لما يجربه بيحبه جدا
المقادير
- ارز مطهى بايت فى الثلاجة كالتالى :
- 3 كوب ارز نشطفه 3 مرات ونصفيه من الماء
- نحمره فى 4 معالق كبيرة زيت على نار عالية مع التقليب 3 دقائق
- نصب عليه 3 كوب ماء مغلى
- بعد ان يبدأ الارز يغلى ويبقلل نغطيه على نار هادية جدا شمعة لمدة 20 دقيقة
- نطفى النار ونتركه مغطى 10 دقائق اخرى
- نقلب الارز عشان يبقى مفلفل ويتهوى
- بعد مايبرد نحفظه فى الثلاجة لليوم التالى
- نصف كيلو سمك فيليه او صدور فراخ مقطعين مكعبات
- عصير ليمونة
- معلقتين زيت للتحمير
- بصلة متوسطة مخرطة
- 2 معلقة كبيرة ثوم
- قرن فلفل حامى مخرط رفيع جدا
- ملح وفلفل
- 5 بيضات
- كوب خضرة مشكلة (بقدونس – كزبرة – شبت)
الطريقة
- نعصر الليمون وملح وفلفل وبصل وثوم وفلفل حامي على مكعبات السمك او صدور الفراخ ونتركهم ساعتين
- نحمر الزيت فى حلة تيفال ونسقط خلطة قطع السمك او الفراخ ونقلب بسرعة على نار عالية
- في حالة الفراخ نغطي الطاسة 5 دقائق على نار هادية عشان تستوي
- نضيف نصف الارز ونقلب
- نزيح الارز على جنب ونكسر البيض ونسقطه فى جنب الحلة ولما يبدأ البياض فى الظهور نقلب البياض والصفار لوحدهم الاول بسرعة ثم نقلبهم مع الارز
- نضيف باقى الارز ونقلب
- نطفى النار ثم نضيف الخضرة ونقلب
- نصبهم فى اطباق التقديم ويقدم ساخناً
وبالف هنا وشفا
