ارز كاوباد طبق تايلاندى ملوش حل

ارز كاوباد kao pad طبق لذيذ جدا منتشر فى شوارع تايلاند – ممكن يتعمل بالجمبرى او مكعبات سمك او كابوريا او فراخ او رومى زى ما تحبوا – جربوه وان شاء الله حتدعولى – وحيبقى من اطباقكم الاساسية لان الكل لما يجربه بيحبه جدا

اضغط هنا

المقادير

  • ارز مطهى بايت فى الثلاجة كالتالى :
    • 2 كوب ارز نشطفه 3 مرات ونصفيه من الماء
    • نحمره فى 3 معالق كبيرة زيت على نار عالية مع التقليب 3 دقائق
    • نصب عليه 2 كوب ماء مغلى
    • بعد ان يبدأ الارز يغلى ويبقلل نغطيه على نار هادية جدا شمعة لمدة 20 دقيقة
    • نطفى النار ونتركه مغطى 10 دقائق اخرى
    • نقلب الارز عشان يبقى مفلفل ويتهوى
    • بعد مايبرد نحفظه فى الثلاجة لليوم التالى
  • ربع كيلو سمك فيليه او صدور فراخ مكعبات
  • عصير ليمونة
  • معلقتين زيت للتحمير
  • بصلة متوسطة مخرطة
  • 2 معلقة كبيرة ثوم
  • قرن فلفل حامى مخرط رفيع جدا
  • 3 بيضات
  • كوب خضرة مشكلة (بقدونس – كزبرة – شبت)

الطريقة

  • نعصر الليمون وملح وفلفل على مكعبات السمك او صدور الفراخ ونتركهم ساعتين
  • نحمر الزيت فى حلة تيفال ونسقط قطع السمك او الفراخ مع البصل والفلفل الحامى ونقلب بسرعة على نار عالية
  • نضيف الثوم ونقلب
  • نضيف نصف الارز ونقلب
  • نزيح الارز على جنب ونكسر البيضتين ونسقطهم فى جنب الحلة ولما يبدأ البياض فى الظهور نقلب البياض والصفار لوحدهم الاول بسرعة ثم نقلبهم مع الارز
  • نضيف باقى الارز ونقلب
  • نطفى النار ثم نضيف الخضرة ونقلب
  • نصبهم فى اطباق التقديم ويقدم ساخناً

وبالف هنا وشفا

 

لو الموضوع نال اعجابك اضغط هنا لدعم الكاتب (جزاكم الله خيراً)

أضف تعليق

كن أوّل من يعلّق

avatar
‫wpDiscuz