تكبير خط فيسبوك وصفحات الانترنت

اذا كان نظرك ضعيف مثلى وبتلبس نظاءة قراءة وبتعانى من الخط النمنم للفيس بوك وكثير من المواقع – فقد وجدت لك حل مثالى

اضغط هنا

اذا كنت تستخدم لاب توب او كمبيوتر وبتستخدم متصفح كروم Google Chrome قم بتنزيل الاضافة التالية لمتصفحك :

من خلال هذه الاضافة – ينمكنك تغيير حجم الخط ونوعه ولونه ولون الصفحة – كما يمكنك اخفاء أى عنصر من عناصر الصفحة ومزايا اخرى كثيرة – باختصار يمكنك اعادة تفصيل الفيس بوك او اى موقع آخر على مزاج مزاجك – وكل التعديلات بيتم حفظها يعنى اللى عدلته حيفضل متعدل فى كل زياراتك القادمة لتلك المواقع

لتعديل أى شئ على اى صفحة :

  • اضغط على علامة CSS التى تجدها فى اعلى المتصفح بجوار شريط العنوان
  • اختار Open Stylebot
  • اضغط فى الصفحة على السطر او الفقرة التى تريد تغيير حجم خطها او نوع الخط (الفونت) ستجد ان الفقرة قد احيطت بمستطيل ازرق
  • فى شباك ستايلبوت اكتب رقم فى شباك Font Size مثلا اكتب رقم 22
  • ستجد الخط قد اصبح كبير جدا – غير الرقم بما يناسبك
  • (اذا وجدت ان السطور بقت قريبة قوى من بعض) بعد 6 اسطر اكتب رقم فى شباك Line Height وليكن مثلا 33 لكى تصبح السطور بعيدة عن بعض
  • جرب باقى امكانيات ستايلبوت حتكتشف امكانيات كثيرة هايلة تجعلك تتحكم فى اعادة تصميم اى موقع على مزاجك الخاص
  • لتعديل اى شئ آخر لازم الاول تدوس على الشباك الازرق المستطيل كل مرة قبل ما تعمل تعديل على حاجة جديدة فى الصفحة
  • لو فيه صورة او اعلان او اى حاجة مزعجة مش عايز تشوفها تانى فى الصفحة : حتلاقى فى ستايلبوت تحت خالص  زرار مكتوب عليه Hide بجوار كلمة Visibility – دوس الاول على الباك المستطيل الازرق اللى فى ستايلبوت فوق على الشمال – وبعدين دوس على الحاجة المزعجة اللى عايز تخفيها حتلاقيها بقت حواليها مستطيل ازرق – دلوقتى بقى دوس على زرار Hide – بس كدة اختفت – وكرر لاخفاء كل اللى عامل لك ازعاج فى الصفحة
  • لو غيرت رأيك وعايز تلغى التعديلات اللى عملتها للصفحة الحالية دوس تحت خالص على زرار Reset Page
  • أى سؤال انا تحت امركم – وياريت تقولولى رايكم بعد ما تجربوا ستايلبوت المدهش

اما متصفح فايرفوكس فللاسف لا توجد له حتى الان اضافة مماثلة

أضف تعليق

كن أوّل من يعلّق

avatar
‫wpDiscuz