آخر تحديث : 09-08-2018 الساعة 11:59 ص
حنعمل النهاردة مكرونة بالثوم – يسمونها فى ايطاليا بلد المكرونة Aglio e Olio يعنى ثوم وزيت – وهو اشهر طبق مكرونة عندهم على الاطلاق
المقادير
- نصف كيلو مكرونة سباجيتى – او اى نوع متوفر لديك
- 7 فصوص ثوم
- نصف قرن فلفل مخرط فتافيت
- 5 معالق زيت
- معلقة زبدة
- معلقة صغيرة روزمارى مطحون
- بقدونس مفرى
- ملح وفلفل
الطريقة
- نسلق المكرونة فى ماء مغلى ثم نصفيها بدون غسلها بالماء
- نشوح الثوم والفلفل فى حلة تشويح خفيف فى الزيت والزبدة دقيقتين ونتوقف قبل ان يحمر الثوم
- نضيف المكرونة المسلوفة المتصفية والروزمارى ونقلب الكل
- اذا كان البعض سيأكل فيما بعد : نحتفظ بجزء من المكرونة المسلوقة والثوم والزيت والروزماري – ونأجل الخطوتين السابقتين – وبذلك نقدر نقدمها ساخنة بدلا من اضطرارنا لتسخينها مرتين
- قبل التقديم نرش على الطبق الخضرة المفرية ونقلبهم فى المكرونة
اقترح عليكم تقديمها مع كفتة ارز وخيار مخلل او كرنب مخلل
وبالف هنا وشفا
اناشاهدت فيديو الكرواسون لجوردن رمزى بسياريت تعملهونا عملى مع الحاق الصور للموضوع
وياريت تقولى على نوع زبدة كويس اصل انا عاملة مقاطعة مع لورباك عشان دنماركية وطبعا هم سبوا رسول الله عليه الصلاة والسلام
زبدة روتانا كويسة بس برضه دانماركى
مفيش احلى من الزبدة الفلاحى واحسن وقت لشراءها فى شهر طوبة (يناير واول فبراير) بس حد تكونى عارفاه او حد تعرفيه مجربها عشان تبقى مش مغشوشة
يعنى ينفع اعمله بزبدة فلاحى مش هتسيح
لازم تسيح عشان نشوح فيها الثوم
انا قصدى على الكرواسون الزبدة الفلاحى بحس انها فيها نسبة ماء عالية
ياريت عشان انا والقراء منتلخبطش تكتبى تعليقاتك فى المواضيع الخاصة بيها
انا اسفة انا قلت اكتب فى اخر موضوع عشان تشوف السؤال معرفش انك بترجع للمواضيع اللى قبل كده
ولا يهمك – وتأكدى ان اى موضوع من الاف الموضوعات المنشورة يتكتب فيه تعليق بيجيلى اخطار فورى وبأرد عليه من صفحة مركزية بتجمع تعليقات كل المواضيع
ولو حضرتك عايزة تساعدينى اكتر ياريت دايماً تردى على التعليق السابق ليكى عشان اعرف الكلام كان عن ايه – بدلا من كتابة تعليق منفصل جديد – دة بيوفر لى وقت كبير لان ذاكرتى بقت ضعيفة