بطاطس سوتيه خطييييييييرة !

جوردن رمزى شيف عالمى مشهور – تعجبنى اطباقه التى تتميز بالبساطة والسرعة فى التحضير – وقد جعلنى اكتشف اليوم بعدا جديدا للبطاطس لم اتذوق جماله من قبل – بطاطس سوتيه فعلا خطيرة فى طعامتها انصحكم تجربوها اليوم قبل بكرة !

اضغط هنا

(هذا الطبق يستخدم ثلاثى خطير لا يجنمع فى أى اكله الا وكانت طعامتها وانت مغمض ملهاش حل : االزبدة والثوم والروزمارى)

المقادير

  • نصف كيلو بطاطس
  • معلقتين زيت
  • معلقة زبدة
  • فصين ثوم
  • نصف معلقة صغيرة روزمارى مطحون

الطريقة

  • نغلى ماء فى حلة ونضيف له معلقة صغيرة ملح
  • نغسل البطاطس ونقشرها ثم نغسلها تانى
  • نقطعها مكعبات بحجم عقلة الصباع ثم نسقطها فى الماء المغلى على النار – ولما الماء يبدأ يغلى تانى ننتظر 3 دقائق مش اكتر ثم نصفى البطاطس من الماء
  • نسخن معلقتين زيت فى طاسة تيفال واسعة ثم نسقط فيها مكعبات البطاطس ونقلبها على نار عالية كل فترة حتى تكتسب لون وردى (حوالى 5 دقائق)
  • نضيف معلقة زبدة ونقلب
  • نضيف فصين ثوم ونقلب
  • نرش روزمارى ونقلب ثم نطفى النار
  • تقدم ساخنة.. او دافئة.. او باردة – حتلاقوها لذيذة فى كل الاحوال

لما باعملها الكل بينبهر بطعامتها – حاجة كدة كلاس مختلفة خالص عن البطاطس التقليدية – وصحية بدل البطاطس المحمرة اللى بتشرب زيت بالهبل واللى الولاد لا يكفوا عن طلبها صبح وليل – جربوها النهاردة.. وان شاء الله حتعجبكوا – ومتنسوش تدعولى !

ملحوظة – اتفرجوا على الفيديو لكن اعملوها بطريقتى – فمثلا الحاج جوردن بيسلق البطاطس بقشرها – طبعا دة مفيد اكتر لكن دة مناسب فقط للبلاد المتقدمة اللى بتحافظ على صحة مواطنيها – اما احنا حضرتك فبطاطسنا بتترمى فى وشنا لو صدرناها لأى بلد خارج حدود المحروسة ام الدنيا – فبلاش فضايح وقشروها احسن – العمر مش بعزقة سياتك

وبالف هنا وشفا

لو الموضوع نال اعجابك اضغط هنا لدعم الكاتب (جزاكم الله خيراً)

أضف تعليق

2 تعليقات على "بطاطس سوتيه خطييييييييرة !"

avatar
rania
ضيف
rania

تسلم ايدك شيف ولى سؤال هو صحيح الكرواسون مبينجحش غير بزبدة نباتى الشيف احمد القاضى والشيف محمود عطية بيقولوا كده

‫wpDiscuz