اليكم وصفة سهلة لعمل لانشون فراخ لذيذ وصحى فى البيت
المقادير
- ربع كيلو صدور فراخ او رومى (مخلية من العظم والجلد)
- 4 بيضات
- 4 معالق دقيق
- 4 مثلثات جبن
- معلقة صغيرة ملح
- نصف معلقة صغيرة من كل من :
- بهارات
- بابريكا
- فلفل اسود
- كارى
- حبهان مطحون
- بودرة بصل
- بودرة ثوم
- مكعب مرقة دجاج
- 100جم زيت (نصف كوب)
الطريقة :
- نضرب الصدور فى الكبة فرم ناعم جدا ونضعه فى طبق
- نضرب فى الخلاط باقى المقادير
- نقلب الكل مع معلقتين ماء ونخلطهم جيدا
- نصب الخليط فى برطمانات زجاجية ونراعى ان نترك ثلثها فاضى
- نغطى البرطمانات لكن مش جامد قوى – ننرك همسة ليتسرب البخار
- نرص البرطمانات فى حلة بها ماء يصل الى ثلثى ارتفاع البرطمانات (نفس ارتفاع اللانشون فى البرطمانات)
- نضع الحلة على النار وعند بدء الغليان نوطى عليها خالص شمعة ونغطيها ساعة ونصف
- نطفى النار ونترك الحلة بدون عطاء حتى تبرد
- ننقل البرطمانات فى الثلاجة حتى تبرد تماما ثم نقوم باخراج الانشون من برطمان ونقطعه شرائح
وبالف هنا وشفا
شكرا شيف على الو صفات ولى سؤال فى حاجة اسمها probioticculture butter للاسف لغتى الانجليزية ضعيفة فكل اللى فهمته انى اجيب كريمة لبانى واسيبها فى درجة حرارة الغرفة لمدة 24ساعة وبعد كده اضربها فى عجان او مضرب ويبقى عندى زبدة مخمرة فياريت لو عندك خلفية عن الموضوع تساعدنى بيها واسفة على الاطالة
probiotic culture butter هى نفسها الزبدة الفلاحى اللى بتتعمل فى الريف المصرى من الاف السنين – وطريقتها هى باختصار انهم بعد ما يحلبوا الجاموسة او البقرة بيسيبوا الحليب يبات فى وعاء عشان يروب (يبقى لبن رايب) وبعدين يخضوه فى قربة مخصوصة معمولة من جلد المعيز – الاجانب بيستخدموا الخلاط بدل القربة – فى الحالتين عملية خض اللبن الرايب بتخلى المادة الدسمة تنفصل عن اللبن وتكون زبدة – ولان العملية كلها لم يستخدم فيها اى تسخين لذلك فهو ملئ بالبروبيوتيك
شكرا على المعلومة