طريقة لحمة موفرة للحواوشى والبيتزا والفتة عجب

آخر تحديث : 22-12-2017 الساعة 10:57 ص

اليكم وصفة من الفلبين – قمت بتعديلها باللمسة المصرية – لعمل لحمة مسبكة روعة – ينفع يتعمل بيها سندوتشات حواوشى او مناقيش او تتقدم مع ارز ابيض او تتحط على الفتة

المقادير التالية تكفى لاربعة ايام لاسرة من 4 افراد – يعنى بعد ما تستوى نقسمها 4 اجزاء – نستخدم جزء النهاردة والباقى نحفظه فى اكياس فى الفريزر لعمل حواوشى او فتة وقت ما نحب

المقادير لاربع وجبات

  • كيلو لحمة بالبصل
  • نصف كيلو بطاطس
  • كيلو بصل
  • 8 فصوص ثوم مهروس
  • 4 معالق سمن او زيت
  • ملح وفلفل او روزمارى مطحون
  • بهريز اللحم بالبصل

الطريقة

  • نعمل لحمة بالبصل
  • بعد ما تستوى نزود 2 لتر ماء للحمة ونغليها غلوتين كمان عشان ناخد منها شوربة للفتة
  • نصفى اللحمة من الشوربة ونضربها فى الكبة نبضات لتصبح فتافيت رفيعة
  • نغسل البطاطس جيدا ونقشرها وبعدين نقطعها مكعبات ونضربها فى الخلاط نبضات لتصبح قطع صغيرة
  • نقطع البصل ارباع ثم نضربه فى الكبة نبضات ليصبح قطع صغيرة
  • نخلط البطاطس مع البصل ونشوحهم فى السمن او الزيت على نار متوسطة مع التقليب حتى يصبح لونهم وردى (حوالى 20 دقيقة)
  • نصب عليهم الثوم ونسل اللحمة ونقلبهم دقيقتين
  • نحط التوابل ونقلب ثم نصب عليهم كوب من بهريز اللحمة ونغطيها على نار هادية لغاية البطاطس ما تستوى (حوالى 3-5 دقائق)
  • لعمل سندوتشات نضع رغيف فى طاسة وندهنه فرشة زيت ثم نقلبه على وشه وندهن ظهره بفرشة الزيت
  • بعد ما يتحمر وش الرغيف نقلبه على ظهره ونفرد اللحمة على وشه اللى اتحمر بظهر معلقة كبيرة
  • نغطى الطاسة على نار هادية عشان قعر العيش يتحمر واللحمة تسخن
  • تقدم السندوتشات مع خيار مخلل
  • لعمل فتة نسقى عيش مقطع بشوربة اللحمة ونحط عليه ارز ابيض ثم صلصة الفتة ثم ننثر نسل اللحمة اللى عملناها على وش الفتة

وبالف هنا وشفا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *