إحسب حجم الثلاجة او الفريزر بالقدم واللتر

آخر تحديث : 30-08-2017 الساعة 03:24 م

زمان عندما كنا نشترى ثلاجة كانوا بيكتبوا المقاس بالقدم – لكن اﻵن ثلاجات كثيرة تجد مكتوب عليها حجمها باللتر عشان يلخبطونا (طبعا لان اللترات ارقامها كبيرة ومجعلصة وقد تعطى انطباع للمشترى بانها كبيرة وواسعة بعكس الواقع)

لذلك صممت لكم آلة حاسبة بسيطة لتحويل حجم أى ثلاجة أو ديب فريزر من السعة بللتر الى السعة بالقدم اوالعكس – عشان تعرفوا قبل ما تشتروا حاجة وتطلع صغيرة – الالة الحاسبة تجدونها فى الصفحة التالية :

وقد طلب منى أحد القراء الافاضل جدول اكسيل للتحويل بين اللتر والقدم – للحصول عليه من فضلك اضغط هنا

وعلى فكرة لو حتشترى ثلاجة وديب فريزر رأسى نصيحتى بلاش – اشترى 2 ديب فريزر افقى احسن واوفر – واحد تشغله ديب فريزر والثانى تشغله ثلاجة – توجد فى الاسواق الان ديب فريزرات افقية مجهزة للعمل كفريزر او ثلاجة حسب ضبطك لدرجة الحرارة من خلال لوحة تحكم وشاشة ديجيتال – الفريزرات الافقية ارخص بكتييير من الثلاجات وموفرة جدا فى الكهرباء – تقريبا عشر استهلاك الثلاجة العادية – اقرأوا تجربتى مع تشغيل ديب فريزر حديث كثلاجة بعشر تكلفة الكهرباء بالضغط هنا

شارك هذا الموضوع
error

40 تعليق

  1. بارك الله فيك انا فعلا شفت الديب فريزر ده في السوق و منعني ان استخدمه كثلاجة موضوع اني حأعمل ايه في الأرفف اللي موش موجوده طبعآ.. يا تري تعرف نتغلب علي المشكلة دي ازاي…. شكرآ

    • بسيطة – الجنب اليمين بياخد 3 حلل فوق بعض او اربعة بس يكونوا نفس المقاس وبدون غطاء – ونغطي الحلة العلوية بطبق معدن – وجنبهم 6 زجاجات مياة
      اما الجنب الشمال الكبير باستخدم علب بلاستيك فوق بعض – وبتاخد 60 رغيف بلدي كمان – وبطيخة او اى فواكه عادي
      والرف العلوي للبرطمانات واى ادوية
      ست البيت مش بتحبها لانها لازم تشيل حاجات لو عايزة حاجة من تحت – وكمان بتتكون مياه في القعر من الديفروست لازم تتنشف كل شهرين ثلاثة – لكن لما تيجي فاتورة الكهربا حتحسوا بالفرق الكبير – دة غير ان التبريد قوي جدا ومفيش حاجة تقريبا بتبوظ في الثلاجة دي حتى لو قعدت شهر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.