طريقة تحويل الكيوماكس HD الجوكر الى تايجر أو سوبر HD

آخر تحديث : 09-09-2017 الساعة 08:11 ص

إذا كان لديك ريسيفر جوكر HD “الجوكر” وتريد أن تكون إمكانياته أكثر وشكل قوائمه أجمل – وأيضاً أسرع فى اﻷداء وأسرع فى التنقل بين القنوات – يمكنك تحويل الجوكر ليستخدم سوفتوير جهاز آخر

فقد قامت الشركة الرسمية بتعديل سوفتوير كل من ريسيفر التايجر وريسيفر السوبر HD بحيث أصبحوا متوافقين مع الجوكر
وبالتالى أصبح يمكنك اﻵن اﻹختيار بين 3 بدائل:

  1. سوفتوير الجوكر اﻷصلى بدون تعديل
  2. سوفتوير التايجر المعدل خصيصاً للجوكر
  3. سوفتوير السوبر HD المعدل خصيصاً للجوكر

وفى رأيى أن سوفتوير السوبر HD هو أفضلهم وأجملهم – وهو أيضاً رأى غالبية مستخدمى الجوكر
إذ يتميز بسرعة عالية فى اﻷداء وثبات  وقوائمه وأيقوناته المتحركة فى غاية الشياكة واﻷناقة
ويتيح لك خيارات أسهل فى التعامل مع القنوات وتعديل ترتيبها وتعديل أسماءها وأسماء قوائمك المفصلة وتعديل ترتيب القنوات فى تلك القوائم يتم بطريقة سهلة وسريعة – وتشعر أنه سوفتوير تم تصميمه بذكاء وأناقة متميزة

لتعديل جهازك الى سوفتوير السوبر HD :

  1. قم بتنزيل أحدث إصدار من أحد الروابط الثﻻثة المبينة باﻷعلى
  2. فك ضغط الملف وضعه مجلد files عى فﻻشتك
  3. قم بعمل ضبط مصنع Factory Default
  4. ضع الفﻻشة فى الجهاز ثم إطفئه من الخلف ثم أعد فتحه –  ويفضل أن تقوم بذلك والجهاز بارد – فإذا كان ساخن إنتظر فى وقت آخر
  5. بعد أن يقوم الجهاز بسحب السوفتوير الجديد سيطلب منك نزع الفﻻشة وعندما تفعل ذلك سيقوم تلقائياً بغلق نفسه والفتح من جديد
  6. قم بعمل ضبط مصنع مرة أخرى
  7. اﻵن يمكنك البحث عن القنوات وترتيب قوائمك المفضلة واﻹستمتاع بالسوفتوير الجديد

28 تعليق

    • طبعاً تصلح ياعزيزى – ولزيادة التأكد أنصحك بأنك تفرمت الفﻻشة اﻷول من خﻻل الجوكر نفسه

  1. اشكرك على الرد – وفعلا عملت كدد بالسوفت الاصلى39ز3 والجهاز كان عليه27ز3 ولانى اول مره انزل سوفت فغالبا عملت حاجه غلط والجهاز يفتح على شاشه ثابته qmax hd ثابته والمفاتيح لاتعمل ولا الريموت افيدنى وجزاكم الله خيرا

    • أوﻻً قم بتنزيل سوفت 3.24 من هذا الرابط – ثم فك ضغط الملف – ثم ضعه على الفﻻشة – طبعاً داخل مجلد سميه files – ثم ضع الفلاشة فى الجوكر – ثم قل بسم الله الرحمن الرحيم وبعدين إفتحه من الخلف – وإن شاء الله يقبل السوفت ويفتح معاك

  2. الله يكرمك — نفذت ما قلته بالضبط ونزل السوفت 24و3 وحملت القنوات وعندما حاولت تنزيل 39و3 ظهرت رساله اسف لعدم تنزيل السوفت وكذلك الحال بالنسبه للسوب والتيجر-اكرمك الله وقد استفدت من حضرتك كتير

    • مبروك إعادة الجهاز للعمل
      بالنسبة لسوفت التايجر نزله من الرابط المذكور – ثم فك الضغط وضع مجلد files على فﻻشتك – بس اﻷول إمسح أى مجلد يحمل نفس اﻹسم من على الفﻻشة
      وتأكد قبل ذلك كله من عمل ضبط مصنع للجهاز – اﻵن ضع الفﻻشة فى الجوكر ثم إغلقه من الخلف ثم أعد فتحه وإنتظر ليتم تنزيل سوفت التايجر بالكامل
      بعد ذلك أول شئ تفعله هو عمل ضبط مصنع من جديد مرة أخرى
      وﻻ تستخدم أى ملف قنوات سابق – المفروض إنك تعمل بحث blind search ثم رتب مفضﻻتك كما تحب
      لو قابلتك مشاكل فى أى خطوة من فضلك أكتب رسالة الخطأ هنا باﻹنجليزية كما هى

  3. سيدى الفاضل – الحمد لله – ادخلت الرقم 9876 والحمد لله عملت ضبط المصنع وتم تحميل القنوات ولكنى لااعرف اى الازرار من الريموت تمكنى من الخول على السيرفرات وزر الحصول على الايبى اتوماتيكبا فقد كنا نضغط على ازر الازرق مرتين او الزر الازرق ثم الاحمر اما الان فلا ادرى

  4. عزيزى –الجهاز اصبح تحفه فنبه والحمد لله — وانا عندى دريم بوكس 500 منذ 4 سنوات ودفعت اشتراكات جى بوكس وسى سى كام والان نيو كامد – ولكن بصراحه الجوكر يعادل الجى بوكس والسى سى كام فى السرعه والثبات ويتفوق على النيو كامد بالاضافه الى امكانياته وشكل قوائمه الجذابه وسهولة التعامل معه وبعد تحميل السوبرhd احسست فعلا ان عندى شاشه lcd – شكرا جزيلا ياعزيزى – وارجو ان تضيف هنا كل جديد وجزاكم الله كل خير

  5. السلام عليكم ورحمة الله و بركاتة
    انا عندي رسيفر كيوماكس اتش دي عملتله سوفت فرجن 1.6 و بعد كده كل ما احاول اغير السوفت يديني رسال update failed جربت جميع السوفتات المتاحه و حتى لما بحط الفلاشه و اطفي الباور و اشغله يديني رساله please remove flash memory و برضو بيعملش التحديث ايه الحل مع الشكر

  6. أخي العزيز الجهاز يعمل بسم الله ماشاء الله فل زي ما أنت شرحت بارك الله فيك وأنامنزل سوفت السوبر hd ولكن قراءة الجهاز للسيرفرات بطيئة فهل من حل مع أن الجهاز يعمل بطريقة جيدة وشكرا لكم

    • لتسريع السيرفرات أقترح عليك 3 خطوات بسيطة:

      – الخطوة اﻷولى انك تمسح كل السيرفرات – وذلك بأن تضغط اﻷزرار اﻵتية F1 ثم 666 – وبعدين تضغط زر F1 مرة أخرى ثم وافق على رسالة مسح السيرفرات

      – الخطوة الثانية إنك تختار Auto IP – وذلك بإنك تضغط على اﻷزرار اﻵتية: F1 ثم 555 – وبعدين تضغط على الزر اﻷزرق – عندها الجهاز حيقفل ويفتح لوحده

      – الخطوة الثالثة انك تمسح كل السيرفرات تانى وبعدين تعيد تنزيلهم – وذلك بأن تضغط اﻷزرار اﻵتية F1 ثم 666 – وبعدين تضغط زر F1 مرة أخرى ثم وافق على رسالة مسح السيرفرات – وبعد ذلك نزل بيانات السيرفرات الجديدة: إضغط على زر F1 ووافق على تحديث السيرفرات الجديدة

      بعد تنفيذ الخطوات الثلاث بنفس الترتيب بإذن الله ستشعر بتحسن فى السرعة – ويمكنك التأكد بالضغط فى أى وقت على F1 و 555 لترى عدد السيرفرات المتصل بها الجهاز

      وألف شكر على دعاءك وكلماتك الطيبة – أسعدتنى زيارتك – وﻻ تتردد فى اﻹستفسار عن أى مشكلة تقابلك
      فى أمان الله

  7. نزلت السوبر لكن ما فيش إشارة للنايل و الهوت مش موجود ؟؟؟
    و بيديني ساعات النايل بس بيعمل سيرش عالفاضي بطللعلي ما في قنوات ؟

  8. انا نزلت السوبر اتش دى من فترة طويلة بس دلوقتى مسحت السيرفرات كلها وعاوز ارجعها بس مش عارف مستنى الرد سريعا الف شكرا مقدما

  9. جزاك الله خيرا وزادك من العلم.طوبى لمن تعلم العلم وعلمة.وانت لا تبخل بعلمك جزاك الله خير الجزاء وجعلة فى ميزان حسناتك…

  10. عندى جهاز كيوماكس اتش دى لما افتحو بقيف عند كيوماكس اتش دى الحل شنو ىاباشا

    • حضرتك محتاج تحط له السوفت وير بتاعه من خلال لودر – اذهب بيه الى اى محل صيانة ريسيفرات وهما يحطولك السوفت باستخدام اللودر – بعشرة او عشرين جنيه – او لو تقدر تعمله بنفسك ممكن بس لازم يكون عندك كابل بين الريسيفر والكمبيوتر

  11. هل يمكن العودة للسوفت الاصلى بعد التحويل لتايجر

  12. التحويل ده خاص باى اصدار من الكيوماكس
    وهل ينفع التحويل ده ال هو تحويل الكيوماكس لتايجر لاصدار كيوماكس 2,2

    • انا باعتذر لك اصلى كتبت الموضوع دة من 7 سنين فمبقتش فاكر أى حاجة – كان نفسى افيدك معلش

Comments are closed.