خميرة بلدى برية بشرش اللبن مضمونة

آخر تحديث : 24-11-2018 الساعة 06:09 ص

اليكم وصفتى المجربة والمضمونة لعمل خميرة بلدى برية بشرش اللبن whey sourdough starter

طبعا الفوئد الصحية للخميرة البرية معروفة وعديدة – اذا عملتوها مرة خلاص كدة مش حتحاجوا تعملوها تانى لانها بتستخدم مدى الحياة – ومش حتشتروا خميرة تجارية تانى خلاص

اليكم طريقة تحضر الخميرة البرية البلدى بطريقتى :

  • اليوم الاول : نخلط جيدا 20جم دقيق مع 20جم شرش لبن (او شرش الجبنة القريش الفلاحى – اللى بنلاقيها فى قعر الكيس لما نشترى جنبة قريش من فلاحة فى السوق)
  • اليوم الثالث : نتخلص من الخليط ونترك منه فقط 20جم نضيف له 20جم ماء و 20جم دقيق ونخلطهم جيدا
  • وبعدين نلاحظ الخميرة – لما توصل لاعلى حاجة وتبدأ تنزل نكرر نفس ما فعلناه فى اليوم الثالث : نتخلص من الخليط ما عدا 20جم ثم نضيف له 20جم ماء و20جم دقيق ونخلطهم جيدا
  • نكرر الخطوة السابقة 3 مرات (كل مرة ننتظر حتى تعلو ثم تبدأ تهبط) وفى المرة الرابعة اول ما نخلط المقادير نشيلها فى الثلاجة
  • لما تعلى وتبدأ تهبط فى الثلاجة نكرر نفس المقادير ونرجعها فورا للثلاجة
  • حنعمل كدة 3 مرات
  • وفى المرة الرابعة مش حنرمى حاجة من الخميرة – حنضيفلها بس :
    • 20g flour + 20g water

كدة حيبقى عندنا 100جم خميرة بلدى جاهزة لنخبز بها
بس قبل ما نخبز نترك الخميرة تعلى لغاية ما تبدأ تهبط سواءا فى الثلاجة او برة الثلاجة

انا عملت الخميرة دى فى شهر 6-2017 ومن ساعتها وانا باخبز بيها على طول وبطلت استخدم اى خميرة غيرها

وهناك بديل آخر وهو الحصول على قطعة من الخميرة البرية بتاعتى اللى انا ربيتها وباخبز بيها طوال الوقت (ميزة الخميرة البرية مش بس انها بتعيش معاك تخبز بيها طول العمر – لكن كمان انك ممكن تعطى منها لاصدقائك ومعارفك عشان يدعولك – بنفس الطريقة اللى انا باعملها مع من يطلبها منى) اذا اردت قطعة من خميرتى البرية النشطة تقدر تطلبها من هنا

9 تعليقات

  1. السلام عليكم و رحمة الله و بركاته
    لي تجربة قاسية مع الخميرة و صفها لي صديق مقرب لي ويعمل دكتور صيدلي كان يأكل منه يوميا وهي خام إشتريت قطعة من فرن أفرنجي ووضعتها في الثلاجة علي طبق صغي مكشوفة و إستمريت يوميا بأخذ قطعة صغيرة و آكلها و بعد فترة قليلة لاحظت و جود سواد في جزء منهابالثلاجة و لم أهتم و إستمريت علي أكل قطعة صعيرة يوميا و حدث لي تسمم و لكن بفضل الله ربنا نجاني من هذا الموضوع و عندما جاء لزيارتي أخبرني أن طالما ظهرت المادة السوداء يجب رميها فورا و عدم إستعمالها -لماذا لم يحذرني قبل إستخدامها ? كانت غلطه منه !
    ده سبب تخوفي من التعامل مع الخميرة ..
    عموما فهمت من وصفة حضرتك إضافة ٢٠ جرام دقيق مع ٢٠ جرام شرش اللبن أو مصل اللبن حسب ترجمة جوجل ونتركها يومان و اليوم الثالث نضيف ستارتر أي بادئ و هو ما لم أفهم ما هو هذا البادئ و طبعا الماء معروف
    فبرجاء التوضيح أكثر مع خالص شكري و تقديري لحضرتك

    • الخميرة البرية بتاعتى تختلف تماما عن الخميرة التجارية وافضل صحياً منها بكثير
      انا قمت بتعديل الصفحة عشان شرح الخطوات يبقى اسهل
      وعلى فكرة حضرتك مش لازم تعملها بنفسك لان خطواتها كثيرة وتحتاج خبرة سابقة ودقة ملاحظة وميزان رقمى وادوات قياس – دة غير انها عشان تعتق وتبقى جميلة محتاج تكرر الخبز بها شهر او شهرين – تقدر تاخذ اول مرة قطعة من خميرتى المعتقة جاهزة بدل الغلبة دى كلها – وبعدين تكبرها عندك وتخبز بيها طول العمر انت واولادك – وتهادى منها كمان لحبايبك – اقرأ الصفحة بعد التعديل

  2. السلام عليكم و رحمة الله و بركاته
    متشكرين لحضرتك علي تعديل الصفحة بحيث أصبحت أكثر إيضاحا
    طبعا لما حأبتدي أعمل العيش التوست و العيش الأسمر الصحي لازم حأحتاج خميرة
    و يسعدني إني أستعمل خميرة من صناعة حضرتك لكن ممكن أهملها شوية في الثلاجة علشان كده حأترك لحضرتك رقم واتس آب بتاعي ويسرني جدا التواصل مع أستاذي الذي علمني الكثير ربنا يرضي عنك و عن والديك و لكن سأطلب الخميرة عندما أكون جاهز جدا لخبيز العيش أو التوست
    رقم الواتس آب ##############
    و لحضرتك جزيل الشكر و العرفان

  3. حضرتك بتقول ادخلها التلاجة ولما تعلى وتهبط اكرر نفس المقادير واكرر الموضوع ثلاث مرات يعنى كل يوم اخرجها من التلاجة ةارمى كله ماعدا عشرين جرام انا مفهمتش اللى اعرفه انى افضل اغذيها بره لمدة خمس او ست ايام وبعد كده ادخلها التلاجة واغذيها كل اسبوع طيب والمياه من الحنفيه عادى اصل انا من البحر الاحمر والمياه عندنا بتيجى مليانة كلورينفع اغلى المياه وابردها واستخدمها

    • الطريقة عبارة عن انك حتغذيها 8 مرات – 4 مرات برة الثلاجة وبعدين 4 مرات تانيين فى الثلاجة – الخطوات دى اول مرة بس – وبعد كدة تبقى جاهزة تخبزى بيها اى حاجة ومش حتكررى ال8 تغذيات تانى خلاص
      وبالنسبة للماء فالكلور وحش للخميرة – ياريت تحطيلها مياة معدنية او مياة من فلتر – لو مفيش يبقى مفيش غير انك تغلى ماء ولما يبرد تستخدميه

      • شكرا حاج محمد على الطريقة انا بدأتها من اسبوع والحمد لله خمرت ولما دخلتها الثلاجة ما استمرت بالتخمير. شو المفروض اعمل؟؟؟ وايمتا الوقت المناسب لاستعمالها بالخبز؟؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.