الروزمارى بديل كل التوابل

قليل من الناس من يستخدمون الروزمارى فى المطبخ – لكنى اكتشفت ان الروزمارى بديل رائع لكل التوابل فى أى طبخة

الفلفل الاسود ارتفعت اسعاره ارتفاع جنونى – الكيلو ب240ج حاليا – بينما الروزمارى لا يتعدى 40ج يعنى سعر الفلفل الاسود يعادل 6 اضعاف سعر الروزمارى !

انا باطحن الروزمارى فى مطحنة التوابل واشيله فى برطمان زجاجى – واحط منه نصف معلقة صغيرة على أى طبخة – بيخلى الطعم والنكهة تجنن

وياسلام كمان لو تطحنوا ورق لورا وتحطوا منه ذرة على طرف معلقة صغيرة – وذرة قرفة برضه – طبيخك حيبقى طعمه تحفة بجد

الاكثار من التوابل والبهارات مش هو اللى بيخلى الطعم لذيذ – بالعكس كثرة التوابل بتضيع النكهة الاصلية للحوم والفراخ والخضروات – بطلوا تشتروا فلفل اسود وتوابل وبهارات من كل لون وصنف

انا بطلت اشترى او استخدم أى بهارات او توابل ماعدا النجوم الثلاثة التالية والمتربعين على عرش المطبخ :

  • روزمارى
  • ورق لورا
  • قرفة

وطبعا عشان القعدة تحلو و لو عايزين تبهروا اللى حياكلوا يبقى لازم كمان نضيف الملح الصينى – بالرغم انه مش من التوابل لكن هو اصل الطعامة كلها – معلقة صغيرة على أى اكل – ارز – صلصات – شوربة – طبيخ – لحوم – دجاج – حتخلى الناس مش حتصدق ان دة اكل بيتى اصلا

الملح الصينى وطعامته الرهيبة كتبت لكم عنها قبل كدة بالتفصيل هنا

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *