صدور فراخ مشوية بالروزمارى وصوص الباربكيو

حنعمل مع بعض احلى صدور فراخ مشوية بصوص الباربكيو بطريقة سهلة حتخلى الفراخ تذوب فى الفم – دى من الاطباق المفضلة اللى ولادى بيعشقوها – وكمان تصلح للتقديم فى العزومات بشكل شيك ومغرى

المقادير (لاربعة افراد)

  • صدر فرخة مخلى من العظم والجلد
  • بصلة متوسطة
  • ربع كوب خل
  • معلقة صغيرة ملح
  • معلقة صغيرة روزمارى مطحون
  • عصير ليمونة
  • اوراق بقدونس للتجميل

لعمل الصوص

  • المتبقى من خلطة البصل (او 3 معالق كبيرة خل)
  • معلقة كبيرة زبدة او سمن بلدى
  • معلقة صغيرة نشا
  • كوب حليب او زبادى او رايب او شرش

الطريقة

  • نقشر البصلة ونقطعها ونضربها فى الكبة مع الخل والملح والليمون والروزمارى حتى يصير البصل عجينة ناعمة
  • نفصل فصى الصدر اذا لم يكونوا مفصولين ثم نقطع كل صدر شريحتين سميكتين
  • نغمس كل شريحة فى خلطة البصل ونتركهم منقوعين فى الخلطة فى الثلاجة 4 ساعات والافضل ليلة قبل الشوى
  • ندهن طاسة تيفال كبيرة بفرشة زيت ونسخنها على نار عالية ثم نرص الصدور فى الطاسة
  • بعد 3 دقائق نقلب الصدور على ظهرها ونغطى الطاسة على نار هادية 10 دقائق
  • نقلب الصدور على الوجه الاخر ونغطيها 10 دقائق اخرى
  • نرفع الغطاء – ولو لقينا جنب ابيض لسة مبقاش لونه ذهبى نعلى النار عليه دقيقة واحدة حتى يكتسب لون الشوى مع الحذر حتى لا يحترق ويسود
  • نرفع الصدور من الطاسة ثم نبدأ فى عمل الصوص فى نفس الطاسة مستفيدين من نكهة الشوى العالقة بها:

طريقة عمل الصوص

  • نصب فى نفس الطاسة ما تبقى من خلطة البصل اللى كانت الصدور منقوعة فيها – ولو لم يتبقى شئ نضع فى الطاسة قليل من الخل – ونضع الزبدة ثم بمعلقة سليكون نمسح كل الطاسة لتحرير بقايا الشوى العالقة فى الطاسة ونقلبها فى خلطة البصل والخل والزبدة
  • نذيب النشا فى الحليب ثم نصبه فى الطاسة ونقلب على نار متوسطة بضع دقائق حتى يصبح الصوص بنى ثقيل
  • نصب الصوص على الصدور المشوية فى اطباق التقديم وننثر قليل من اوراق البقدونس عليها وبجوارها حلقات طماطم
  • اذا تبقى شئ من الدجاج المشوى نقدر نسخنه مع الصوص فى طاسة صغيرة مع اضافة قليل من الماء ونغطى الطاسة على نار هادية 5 دقائق مع قلب الصدر على ظهره فى منتصف الوقت حتى يسخن جيدا من الناحيتين

وبالف هنا وشفا

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *