آخر تحديث : 29-08-2017 الساعة 03:36 م
أخر تحديث: 29-8-2017
عندى لكم طريقة بسيطة وسهلة لعمل العيش الفينو فى البيت – فينو هش وطرى ولذيذ – المفروض عجينة الفينو تتعجن على الاقل 20 دقيقة عشان الجلوتين يتكون لكن احنا هنا حنعجنها 5 دقائق فقط ونعوض بفترة تخمير طويلة عن طريق استخدام كمية بسيطة جدا من الخميرة – التخمير الطويل حيخلى العجينة تكتسب جلوتين ممتاز يعوض مدة العجن
معلش انا كل مقاديرى بالجرامات وليس بالمكيال عشان اتعودت على الدقة – باعتذر للى معندهومش ميزان رقمى
المقادير
المقادير الاولى:
- 520جم دقيق
- 350جم ماء
- 2 معلقة صغيرة سكر
- ربع معلقة صغيرة خميرة فورية
المقادير الثانية:
- 60جم زيت
- معلقة صغيرة ملح
- ربع معلقة صغيرة بيكربونات
- 2 معلقة كبيرة خل
- نصف كوب ماء مذاب فيه 3 معالق صغيرة سكر نضعهم فى بخاخة لرش العيش قبل الفرن وبعده
الطريقة
- نضع كل الماء فى حلة ونرش عليه 100جم من الدقيق ونسخنهم على النار مع التقليب بمضرب سلك يدوى حتى تصبح ناعمة مثل البلوظة او الكاسترد – ثم نضعها فى الثلاجة حتى تبرد قيلا
- نضيف باقى المقادير الاولى ونقلب كويس ثم نعجنها بايدينا 5 دقائق على الرخامة ثم نعيدها للحلة ونغطيها نصف ساعة
- بعد نصف ساعة نضيف المقادير الثانية ونقلب كويس بايدينا ونعجنها فى الحلة الى ان تتشرب العجينة كل السوائل – ثم نشكلها كورة ونغطيها حتى تخمر وتعلو للضعف (من 4 ساعات صيفا الى 6 ساعات شتاءا)
- نضع العجين على الرخامة ونقسمها 12 قطعة ونشكلهم كور ونغطيهم على الرخامة يرتاحوا ربع ساعة
- كل قطعة نفردها بالنشابة طوليا وبعدين نلفها من طرفها مثل السويس رول – ونبرشمها من الجنب والاطراف باصابعنا – ونرصهم فى صينية مدهونة فرشة زيت متباعدين بمسافة بينهم تعادل تخانة الرغيف ونغطيهم حتى يكبر حجمهم للضعف – حوالى 45 دقيقة
- نسخن الفرن فاضى على درجة 200 مئوية لمدة نصف ساعة
- قبل الفرن نرش العيش كويس ببخاخة ماء وسكر
- نضع صينية العيش فى الرف الاوسط للفرن لمدة 20 دقيقة
- فور اخراجه من الفرن نرشه تانى ببخاخة الماء والسكر ثم نغطيه بفوطة نص ساعة عشان يبقى طرى
الفيديو التالى يوضح لكم الطريقة باختلافات بسيطة ويستخدم معيار الاكواب لمن ليس لديه ميزان مطبخ
ودة فيديو للشيف هالة فهمى
التكلفة
- نصف كيلو دقيق 02.5ج
- 60جم زيت 1.20ج
- ملح وسكر وخميرة وبيكربونات وخل وتسوية بوتاجاز حوالى 1.30ج
2.50+1.20+1.30 = 5ج